IND vs WI: વિન્ડિઝને ત્રીજો ઝટકો, 31 રને 3 વિકેટ

ગયાનાઃ ભારતીય ટીમે ત્રીજી ટી-20માં ટોસ જીતીને પ્રથમ બોલિંગ કરવાનો નિર્ણય લીધો છે. ભારત અને વેસ્ટ ઇન્ડિઝ વચ્ચે ત્રીજી T-20 મેચ રમાઈ રહી છે. આ મેચમાં ભારતીય ટીમના કેપ્ટન વિરાટ કોહલીએ ટોસ જીતીને પ્રથમ બોલિંગનો નિર્ણય લીધો છે. ભારતીય ટીમે આ મેચમાં ત્રણ ફેરફાર કર્યા છે. રોહિત શર્માની જગ્યાએ રાહુલને તક આપવામાં આવી છે. દીપક ચાહરને પણ આ મેચમાં સ્થાન મળ્યું છે.

આ સીરીઝ બેશક ભારતના હિસ્સામાં આવી છે, પરંતુ બીજી ટી-20 મેચમાં જીત બાદ કોહલીએ સ્પષ્ટ કહ્યું હતું કે, જીત તેમના માટે અત્યારે પણ પ્રાથમિકતા છે. વેસ્ટ ઇન્ડિઝ ટીમ સૌથી ખતરનાક ટીમ છે અને હવે તે પોતાના ઘરે રમવાની છે. અત્યારે સ્કોરની વાત કરીએ તો ભારતે 3 વિકેટ લીધી છે અને વેસ્ટ ઇન્ડિઝ 3 વિકેટ ગુમાવી 31 રન કર્યા છે.

જો બોલિંગની વાત કરીએ તો ભારતે બોલિંગ પર ખાસ કામ કરવાની જરૂર છે. કારણ કે, પહેલા મેચમાં ટીમ નબળી પડી હતી, પરંતુ બીજી મેચમાં મજબુત સ્કોર મેળવ્યો હતો. ઋષભ પંતને ત્રીજા ટી-20 મેચમાં પોતાને સાબિત કરવો પડશે ત્યારે જોવાનું એ રહ્યું કે, ટી-20ની ત્રીજી મેચમાં કોણ બાજી મારશે?

ટીમ

ભારત	વેસ્ટ ઇંડિઝ
વિરાટ કોહલી (કૅપ્ટન)	ઇવિન લુઇસ
શિખર ધવન	શિમરોન હેટમાયર
લોકેશ રાહુલ	નિકોલસ પૂરન
મનીષ પાંડે	કાયરન પોલાર્ડ
ઋષભ પંત (વેકેટ કિપર)	રોવમૈન પૉવેલ
કૃણાલ પાંડ્યા	કાર્લોસ બ્રેથવેટ (કૅપ્ટન)
વૉશિંગ્ટન સુંદર	કીમો પૉલ
ભુવનેશ્વર કુમાર	સુનીલ નારાયણ
દીપક ચાહર	શેલ્ડન કોટરેલ
નવદીપ સૈની	ઓશેન થૉમસ, ફાબિયન એલન