દિવસ વિશેષ: ટેસ્ટમાં ત્રિપલ સેન્ચ્યુરી ફટકારનાર સહેવાગ પહેલા ભારતીય ક્રિકેટર બન્યા

પાકિસ્તાનની જમીન પર પાકિસ્તાન સામે ભારતીય વિસ્ફોટક ક્રિકેટર સહેવાગે 29 માર્ચે ત્રિપલ સેન્ચ્યુરી ફટકારી હતી. પોતાની આ સિદ્ધીને યાદ કરતાં ક્રિકેટરે ટ્વિટ કર્યું હતું

• પાકિસ્તાનમાં સહેવાગે બનાવી હતી ત્રિપલ સેન્ચ્યુરી
• સિક્સ મારીને પુરા કર્યા હતા 300 રન
• ટ્વિટ કરીને યાદ કરી પોતાની આ સિદ્ધી

નવી દિલ્હી: તારીખ 29 માર્ચ 2004 અને સ્થળ પાકિસ્તાનનું મુલ્તાન શહેર, અહીંયા ઇતિહાસ રચાયો. વિસ્ફોટક બેટ્સમેન વિરેન્દ્ર સહેવાગ ભારતના પહેલા ક્રિકેટર બન્યા હતાં જેમણે ક્રિકેટના સૌથી લાંબા ફોર્મેટમાં ત્રિપલ સેન્ચ્યુરી બનાવી હતી. ત્રણ મેચની સિરીઝની પહેલી મેચમાં વિરેન્દ્ર સહેવાગે મુલતાનના ગ્રાઉન્ડ પર આ સદી ફટકારી હતી. પહેલી બે મેચમાં સૌરવ ગાંગુલી કેપ્ટન તરીકે ન હતાં તેમની જગ્યાએ રાહુલ દ્રવિડ ઇન્ડિયન ટીમના કેપ્ટન હતાં. મેચના પહેલા દિવસે ભારતનો કુલ સ્કોર હતો 356/2, જેમાંથી સહેવાગનો સ્કોર હતો 228. બીજા દિવસે સહેવાગે પોતાની ત્રીજી સેન્ચ્યુરી પુરી કરી હતી.

વધુ વાંચો:ભારતીય મહિલા ક્રિકેટ ટીમે છેલ્લી ટી- 20 મેચમાં દક્ષિણ આફ્રિકાની ટીમને 9 વિકેટે હરાવી

સહેવાગે કર્યું હતું ટ્વિટ

સોમવારે પોતાની આ સિદ્ધીને યાદ કરતાં સહેવાગે ટ્વિટ કર્યું હતું કે 29 માર્ચ આ મારા માટે ખાસ દિવસ છે. મને એ સન્માન મેળવવાની તક મળી કે હું પહલો ભારતીય ક્રિકેટર બન્યો કે જેણે ટેસ્ટ ક્રિકેટમાં ત્રણ સેન્ચ્યુરી ફટકારી હોય. આ સ્કોર થયો હતો પાકિસ્તાનના મુલતાનમાં. યોગાનુયોગ 4 વર્ષ બાદ આ જ તારીખે સાઉથ આફ્રિકા સામે મેં 319 રન બનાવ્યા હતા

પાકિસ્તાનમાં પાકિસ્તાન સામે સૌથી વધુ રન બનાવનાર ભારતીય ક્રિકેટર

આ ત્રિપલ સેન્ચ્યુરી એટલે પણ યાદગાર બની હતી કેમકે સહેવાગે 295 રન બનાવીને સકલૈન મુસ્તાકની ઑવરમાં સિક્સ મારીને પોતાના 300 રન પુરા કર્યા હતાં. આ ત્રિપલ સેન્ચ્યુરી સાથે સહેવાગ પાકિસ્તાનમાં પાકિસ્તાન સામે સૌથી વધારે રન બનાવનાર ભારતીય ક્રિકેટર બન્યા હતાં. આ અગાઉ આ રેકોર્ડ સંજય માંજરેકરના નામે હતો. તેમણે પાકિસ્તાન સામે લાહોરમાં 218 રન બનાવ્યા હતાં. મહમ્મદ સામીએ સહેવાગને 309 રને આઉટ કર્યો હતો પણ ત્યાં સુધીમાં ભારત સરળતાથી વિજય મેળવી શકે તેટલા રન ખડકાઇ ચુક્યા હતાં.

વધુ વાંચો:વડાપ્રધાન મોદીએ આપેલ અભિનંદન પર મિતાલી રાજની પ્રતિક્રિયા

સાઉથ આફ્રિકા સામે પણ ફટકારી હતી ત્રિપલ સેન્ચ્યુરી

પાકિસ્તાન સામેની મેચના ચાર વર્ષ બાદ સહેવાગે ફરી ત્રિપલ સેન્ચ્યુરી ફટકારી હતી અને આ વખતે તેણે પોતાનો જ રેકોર્ડ તોડ્યો હતો. માર્ચ 29, 2008 ચેન્નઇમાં યોજાયેલી સાઉથ આફ્રિકા સામેની મેચના ત્રીજા દિવસે સહેવાગે ત્રીજી સેન્ચ્યુરી ફટકારી હતી. આ વખતે તેણે 319 રન ફટકાર્યા હતાં.

કરુણ નાયરે પણ બનાવી ત્રિપલ સેન્ચ્યુરી

સહેવાગ સિવાય કરુણ નાયર કે જેણે પણ ત્રિપલ સેન્ચ્યુરી ફટકારી હતી, કરુણ નાયરે 2016માં ચેન્નઇમાં ઇંગ્લેન્ડ સામે આ ત્રિપલ સેન્ચ્યુરી ફટકારી હતી.