કોહલી-રહાણેએ ટેસ્ટ ક્રિકેટમાં સર્જ્યો વધુ એક રેકોર્ડ

કોલકતા: ભારતીય ટેસ્ટ ટીમના કેપ્ટન વિરાટ કોહલી અને ઉપ કેપ્ટન અજિંક્ય રહાણેએ મળીને વધુ એક રેકોર્ડ પોતાના નામે કર્યો છે. ઇડન ગાર્ડન્સ સ્ટેડિયમમાં રમાનાર ટેસ્ટ મેચના બીજા દિવસે આ બંને બેટ્સમેને 4 વિકેટ માટે 99 રનની પાર્ટનરશીપ કરી હતી. તે સાથે જ બંનેએ ટેસ્ટમાં ચોથા વિકેટ માટેની પાર્ટનરશીપ સાથે સૌથી વધારે રન બનાવનારની યાદીમાં બીજુ સ્થાન પ્રાપ્ત કર્યુ છે.

આ સાથે જ પાકિસ્તાનના ઇંજમામ ઉલ હક અને મોહમ્મદ યુસુફ, ભારતના સૌરવ ગાંગુલી અને સચિન તેંડુલકર, શ્રીલંકાના મહેલા જયવર્ધન અને થિલાન સમરવીરાની જોડીને પણ પાછળ છોડીને આગળનું સ્થાન પ્રાપ્ત કર્યુ છે.

કોહલી અને રહાણે હવે માત્ર પાકિસ્તાનના મિસ્બાહ ઉલ હક અને યૂનિસ ખાનથી પાછળ છે. આ બંનેએ 42 મેચમાં 2763 રન બનાવ્યા છે. ઇજમામ અને યુસુફે 50 મેચમાં 2677 રન, ગાંગુલી અને સચિને 44 મેચમાં 2695 રન, જયવર્ધને અને સમારાવીરાએ 46 મેચમાં 2710 રન બનાવ્યા છે.