આઇસીસી વર્લ્ડ ટેસ્ટ ચેમ્પિયનશિપ પોઇન્ટ્સ ટેબલમાં ભારત બીજા ક્રમે

ઓસ્ટ્રેલિયા 76.6 પોઇન્ટ અથવા પીસીટીની ટકાવારી સાથે પોઇન્ટ ટેબલમાં આગળ છે. જ્યારે ભારત મેલબોર્ન ક્રિકેટ ગ્રાઉન્ડ પર ઓસ્ટ્રેલિયા સામેની બીજી ટેસ્ટ મેચમાં જીત બાદ.72.02 પોઇન્ટટ સાથે બીજા ક્રમે છે.

• ભારતે બીજું સ્થાન જાળવી રાખ્યું
• આઇસીસી વર્લ્ડ ટેસ્ટ ચેમ્પિયનશિપની ફાઈનલ રમવાની સ્પર્ધામાં રહ્યું
• ઓસ્ટ્રેલિયા સામે જીત બાદ 72.02 પોઇન્ટ સાથે બીજા ક્રમે

દુબઈઃ ભારત આવતા વર્ષે આઇસીસી વર્લ્ડ ટેસ્ટ ચેમ્પિયનશિપની ફાઈનલ રમવાની સ્પર્ધામાં રહ્યું કારણ કે બુધવારે માઉન્ટ મૌનગુની ખાતે રમાયેલી પ્રથમ ટેસ્ટમાં ન્યુઝીલેન્ડે પાકિસ્તાનને 101 રને પરાજય આપ્યો હોવા છતાં, તેણે વર્ષના અંતે બીજા સ્થાને જાળવી રાખ્યું હતું. આ દરમિયાન ન્યૂઝીલેન્ડ ત્રીજા સ્થાને તેની સ્થિતિ મજબૂત બનાવતાં 66.7 પોઇન્ટ સાથે સાથે ભારતની થોડીક નજીક પહોંચી ગયું છે. 60.8 પોઇન્ટ સાથે ઇંગ્લેન્ડ ચોથા ક્રમે, પાકિસ્તાન 34.6 પોઇન્ટ સાથે પાંચમાં ક્રમે અને દક્ષિણ આફ્રિકા 28 પોઇન્ટ સાથે છ્ઠ્ઠા ક્રમે છે. શ્રીલંકા 26.7 પોઇન્ટ સાથે સાતમાં નબર પર અને વેસ્ટ ઇન્ડિઝ 11.1 પોઇન્ટ સાથે આઠમાં ક્રમે છે.

કોવિડ19ના કારણે ઘણી મેચ-શ્રેણી રમાઈ નથી

"ન્યૂઝીલેન્ડ આઇસીસી વર્લ્ડ ટેસ્ટ ચેમ્પિયનશીપની ફાઈનલમાં પ્રવેશ મેળવવાની હોડમાં છે" આ પ્રકારનું ટ્વીટ આઈસીસી દ્વારા બુધવારે કરવામાં આવ્યું છે. જોકે ભારતે પ્રાપ્ત કરેલી પોઇન્ટની સંખ્યાના આધાર પર દરેક અન્ય ટીમ કરતાંં આગળ છે. આઇસીસીએ તાજેતરમાં એક પોઇન્ટ સિસ્ટમ રજૂ કરી છે.પ્રાપ્ત કરેલ એકંદર પોઇન્ટને બદલે જે પોઇન્ટની ટકાવારી પર ટીમોને સ્થાન આપે છે. વિશ્વવ્યાપી કોવિડ રોગચાળાને કારણે ઘણી શ્રેણી / મેચ થઈ શકી નહીં તે પછી આ પોઇન્ટ સીસ્ટમ રજૂ કરી છે.