ICCએ ફરી ક્રિકેટ શરૂ કરવા જહેર કરી માર્ગદર્શિકા

ICCએ શુક્રવારે કોરોના વાઈરસના સંકટ બાદ આંતરરાષ્ટ્રીય ક્રિકેટ ફરી શરૂ કરવા અને 14 દિવસની અલગ તાલીમ શિબિર યોજવા માટેની માર્ગદર્શિકામાં ચીફ મેડિકલ ઓફિસર(CMC)ની નિમણૂક કરવાની ભલામણ કરી છે.

દુબઈ: આંતરરાષ્ટ્રીય ક્રિકેટ કાઉન્સિલ (ICC) એ શુક્રવારે કોરોના વાઇરસ સંકટ બાદ તેના સભ્યોને ક્રિકેટ ફરી શરૂ કરવા માટે માર્ગદર્શિકા જાહેર કરી છે. ICCએ આ માર્ગદર્શિકા તબીબી સલાહકાર સમિતિના તબીબી પ્રતિનિધિત્વ સભ્યના સહયોગથી તૈયાર કરી છે.

ICCએ શુક્રવારે જાહેર કરેલી તેની માર્ગદર્શિકામાં ચીફ મેડિકલ ઓફિસરની નિમણૂક અને 14 દિવસ માટે એક અલગ પ્રેક્ટિસ કેમ્પ સ્થાપવાની પણ ભલામણ કરી છે. જો કે, આ માર્ગદર્શિકામાં જણાવવામાં આવ્યું નથી કે, આખરે વિશ્વના જુદા જુદા ભાગોમાં ક્રિકેટ ક્યારે શરૂ થશે. પરંતુ કોવિડ-19ના રોગચાળા વચ્ચે ક્રિકેટ ફરીથી કેવી રીતે શરૂ કરી શકાય તેમ જણાવ્યું છે.

ICCએ ફરી ક્રિકેટ શરૂ કરવા જહેર કરી માર્ગદર્શિકા

ઉલ્લેખનીય છે કે, વિશ્વમાં રોગચાળો ફાટી નીકળ્યો છે, ત્યારથી ક્રિકેટની તમામ પ્રવૃત્તિઓ બંધ છે. હાલના તબક્કે ખેલાડીઓ ધીમે ધીમે પેક્ટિસ શરૂ કરી રહ્યા છે, પરંતુ રમત ક્યારે શરૂ થશે તે અંગે કશું કહેવું મુશ્કેલ છે.

આ રોગને કારણે આગામી ટી-20 વર્લ્ડ કપના આયોજન અંગે પણ શંકા સેવાઈ રહી છે. IPL પણ અનિશ્ચિત સમય માટે મુલતવી રાખવામાં આવી છે.