નવી દિલ્હીઃ ઓસ્ટ્રેલિયાના વિકેટકીપર બેટ્સમેન એલેક્સ કેરીએ કહ્યું કે, ઈન્ડિયન પ્રીમિયર લીગ(IPL)2020 સીઝનમાં તે દિલ્હી કેપિટલ્સ સાથે જોડાવવા માટે વધુ રાહ નથી જોઈ શકતા.
IPL 2020 હરાજીમાં દિલ્હી કેપિટલ્સે કેરીને 2.40 કરોડમાં ખરીદીને પોતાની ટીમમાં સામેલ કર્યા હતા.
IPL ફ્રેન્ચાઈઝી દિલ્હી કેપિટલ્સે પોતાના અધિકૃત ઈન્સ્ટાગ્રામ પેજ પર એક વીડિયો પોસ્ટ કર્યો છે.
કેરીએ આ વીડિયોમાં કહ્યું કે, IPL હરાજી દરમિયાન દિલ્હી કેપિટલ્સ દ્વારા પસંદગી થવાથી હું ખૂશ છું. જ્યારે મેં સમચાર સાંભળ્યા, ત્યારે હું આકાશમાં હતો અને 24 કલાક સુધી હું હસવાનું બંધ નહોતો કરી શક્યો.
કેરીએ જણાવ્યું કે, તે અગાઉ પણ કેપિટલ્સના દિગ્ગજોને મળ્યા હતા અને તેમણે દિલ્હી તરફથી રમવાની સંભાવના પર ઉત્સાહ બતાવ્યો હતો.