લંડનઃ ઇગ્લેન્ડનાં ફાસ્ટ બોલર જોફ્રા આર્ચેરે તાજેતરમાં જ એક રેડિયો ચેનલ સાથેની વાતચીતમાં કહ્યું હતું કે હું વર્લ્ડ કપ વિજેતા દરમિયાન આપવામાં આવેલા મેડલને શોધી રહ્યો હતો. જે થોડા સમય પહેલા મે ઘર શિફ્ટ કર્યું ત્યારે ખોવાઇ ગયું હતો. તેમજ કહ્યું કે આ મેડલને મે એક તસ્વીરની ટોચ પર લટકાવી રાખ્યું હતો પરંતુ હવે આ મેડલ મળતું નથી.
આખરે આર્ચરને મળ્યું તેનું ખોવાયેલું વિશ્વકપ મેડલ - જોફ્રા આર્ચેરે ઘર શિફ્ટ કર્યું
ઇંગ્લેન્ડના ફાસ્ટ બોલર જોફ્રા આર્ચરને આખરે પોતાનું 2019ના વર્લ્ડકપનું ખોવાયેલું મેડલ મળી ગયું છે. આર્ચરે ટ્વિટર પર આ માહિતી આપી હતી.
આખરે આર્ચરને પોતાનુ ખોવાયેલ મેડલ મળ્યું, ટ્વિટર પર આપી માહિતી
જો કે જોફ્રા આર્ચેરે ખોવાઇ ગયેલા મેડલનો ફોટો શેર કરતાં લખ્યું કે, ઘણીબધી જગ્યાએ શોધ ખોળ કર્યા બાદ અચાનક જ બેડરૂમમાંથી મને મારો મેડલ મળી ગયો છે. ઉલ્લેખનીય છે કે આર્ચરે એક રેડિયો ચેનલ સાથેની વાતચીતમાં કહ્યું હતું કે મે લોકડાઉન દરમિયાન મોટાભાગનો સમય આ મેડલ શોધવામાં જ પસાર કર્યો છે અને જ્યા સુધી મેડલ નહી મળે ત્યા સુધી હુ તેને શોધ્યા કરીશ.
આર્ચરે વધુમાં કહ્યું હતું કે "હું જાણું છું કે આ વલ્ડ કપ વિજેતા મેડલ ઘરમાં હોવો જ જોઇએ, તેથી હું તેને શોધવા માટે પાગલ થઇ ગયો છું" આર્ચરે ગયા વર્ષે જુલાઇમાં રમાયેલા વલ્ડ કપમાં 20 વિકેટ ઝડપી હતી. ઇગ્લેન્ડ અને ન્યુઝીલેન્ડ વચ્ચે રમાયેલી આ વર્લ્ડ કપની ફાઇનલ મેચ ટાઇ થઇ હતી ત્યારબાદ સુપર ઓવર પણ ટાઇ થતા બાઉન્ટ્રી નિયમોના આધારે ઇંગ્લેન્ડને વિજેતા જાહેર કરાયું હતું.