BCCI અધ્યક્ષ સૌરવ ગાંગુલી ATK- મોહન બાગાનના ડિરેક્ટર રુપે નિયુક્ત

બીસીસીઆઇના અધ્યક્ષ સૌરવ ગાંગુલીને એટીકે અને મોહન બાગાનને જોડીને બનેલી ઇન્ડિયન સુપર લીગની નવી ટીમના એક ડિરેક્ટર તરીકે નિયુક્ત કરવામાં આવ્યા છે.

નવી દિલ્હીઃ ભારતીય ક્રિકેટ બોર્ડ (BCCI) અધ્યક્ષ સૌરવ ગાંગુલીને એટીકે અને મોહન બાગાનને જોડીને બનાવેલી ઇન્ડિયન સુપર લીગની નવી ટીમના એક ડિરેક્ટર તરીકે નિયુક્ત કરવામાં આવ્યા છે. મોહન બાગાન ક્લબમાં 80 ટકાનો ભાગ મેળવનારા ચેરમેન સંજીવ ગોયનકાના નેતૃત્વમાં 10 જૂલાઇએ બોર્ડની બેઠક થશે, જેમાં ક્લબનું નામ, જર્સી અને લોગો (ચિહ્ન)ને આખરી ઓપ આપવામાં આવશે.

આ માહિતીની પુષ્ટિ કરતા ટીમના સહ-માલિક અને એક નિર્દેશક ઉત્સવ પારેખે જણાવ્યું કે, ગાંગુલી ટીમના સહ-માલિકોમાંથી એક છે અને ડિરેક્ટર બનવા માટે 100 ટકા લાયક છે. અમે ટીમનું નામ, જર્સી અને લોગોને આખરી ઓપ આપવા માટે પહેલીવાર 10 જૂલાઇએ મળીશું.

ગત્ત મહિને કોર્પોરેટર મામલે મંત્રાલયની સાથે નોંધણીના સમયે એટીકે-મોહન બાગાન પ્રાઇવેટ લિમિટેડે પાંચ સભ્યોના નામ આપ્યાં હતાં. જેમાં એટીકેના સહ માલિક ઉત્સવ પારેખ, મોહન બાગાનના શ્રીનોય બોસ અને દેવાશીષ દત્તા અને બે અન્ય સભ્યો ગૌતમ રે અને સંજીવ મેહરાનું નામ હતું.

પારેખે રવિવારે કહ્યું કે, આ માત્ર ઔપચારિક્તા હતી, જે આધિકારીક રીતે એન્ટરપ્રાઇઝ શરુ કરવા માટે એક કાર્યવાહી છે. અમે એ સમયે ગોયનકાને પણ બોર્ડનો ભાગ બનાવ્યા ન હતા. અમે હવે ગોયનકા અને ગાંગુલીને તેમાં સામેલ કર્યા છે. આ મર્જર પહેલા એટીકેએ ત્રણવાર આઇએસએલ ખિતાબ જીત્યો હતો, જ્યારે મોહન બાગાને બે વાર આઇ-લીગ ચેમ્પિયન રહી છે.