સુરેશ રૈના બાદ રવીન્દ્ર જાડેજાએ કર્યું વિવાદિત ટ્વીટ, લોકોએ આપી પ્રતિક્રિયા

ભારતીય ટીમ હાલ ઇંગ્લેન્ડ અને શ્રીલંકાના પ્રવાસે છે. જોકે, હાલ ટ્વીટરમાં વિવાદિત ટ્વીટને લઇ ક્રિકેટરો ચર્ચામાં છે. થોડા દિવસો અગાઉ પૂર્વ ક્રિકેટર સુરેશ રૈનાની એક કમેન્ટ પર વિવાદ વકર્યો હતો. ત્યારે હાલ ઓલરાઉન્ડર ક્રિકેટર રવીન્દ્ર જાડેજાના એક ટ્વીટને લઇ વીવાદ શરૂ થયો છે.

• જાડેજાના ટ્વીટને લઇ સોશિયલ મીડિયામાં શરૂ થયો વીવાદ
• ટ્વીટમાં જ્ઞાતિનો ઉલ્લેખ કર્યો હોવાથી અનેક લોકો આપી રહ્યા છે પ્રતિક્રિયાઓ
• અગાવ રૈના પણ થયો હતો ટ્રોલ

જામનગર: ઇન્ડિયન ક્રિકેટ ટીમ હાલ શ્રીલંકા અને ઇંગ્લેન્ડના પ્રવાસે છે. જોકે, હાાલ સોશિયલ મીડિયા પર ક્રિકેટર્સ વિવાદમાં છે. થોડા દિવસો અગાઉ પૂર્વ ક્રિકેટર સુરેશ રૈનાની એક કમેન્ટ પર વિવાદ વકર્યો હતો. જેમાં તેઓએ પોતાની જ્ઞાતિનો ઉલ્લેખ કર્યો હતો. હવે આ મામલામાં જામનગરના ઓલરાઉન્ડર ક્રિકેટર રવીન્દ્ર જાડેજાનું પણ નામ સામે આવ્યું છે.

જાડેજાના ટ્વીટને લઇ સોશિયલ મીડિયામાં શરૂ થયો વિવાદ

રવીન્દ્ર જાડેજાએ ટ્વીટર પર એક ટ્વીટ કર્યું હતુું. જેમાં લખ્યું છે કે, રાજપૂત બોય, ફોરેવર જય હિન્દ આ ટ્વીટથી સોશિયલ મીડિયામાં વિવાદ શરુ થયો છે. રવીન્દ્ર જાડેજાએ તેની જ્ઞાતિનો ઉલ્લેખ કર્યો હોવાથી અનેક લોકો પ્રતિક્રિયાઓ આપી રહ્યા છે.

રવીન્દ્ર જાડેજા ટ્વીટ

યુઝર્સે જાડેજાને કર્યા અનેક સવાલો

એક યુઝર્સે લખ્યું છે કે, સર તમે લાખો લોકોની પ્રેરણા છો, પરંતુ તમારાથી આવી ઉમ્મીદ ન હતી. રંગ કે જાતિથી કોઈ ફર્ક નથી પડતો તમે જે પણ હોવ અમે તમારી સાથે જ છીએ.

રવીન્દ્ર જાડેજા ટ્વીટ

સોશિયલ મીડિયામાં રૈના થયો હતો ટ્રોલ

થોડા દિવસો અગાઉ સુરેશ રૈનાને જ્યારે એક કોમેન્ટેરે પૂછ્યું કે તેણે દક્ષિણ ભારતીય સંસ્કૃતિને કેવી રીતે અપનાવી તો તેને સાઉથ ઇન્ડિયન પોશાકમાં નાચતા અને સીટી વગાડતા જોવા મળ્યો હતો. જવાબ આપતા રૈનાએ કહ્યું કે, મને લાગે છે કે હું પણ બ્રાહ્મણ છું. હું 2004થી ચેન્નઇની ટીમ તરફથી રમી રહ્યો છું અને મને અહીની સંસ્કૃતિ સાથે પ્રેમ છે. જ્ઞાતિના ઉલ્લેખ સાથેના તેના આ નિવેદનને લઇને પણ સોશિયલ મીડિયામાં રૈના ટ્રોલ થયો હતો.