દક્ષિણ આફ્રિકા પ્રવાસ માટે ભારતીય ટીમની જાહેરાત, ત્રણેય ફોર્મેટમાં અલગ અલગ કેપ્ટન જોવા મળશે

BCCI announces Indian team for ODI: BCCIએ દક્ષિણ આફ્રિકા પ્રવાસ માટે ભારતીય ટીમની જાહેરાત કરી દીધી છે. વિરાટ કોહલી અને રોહિત શર્માને આફ્રિકા પ્રવાસ પર ટી-20 અને વનડેમાં આરામ આપવામાં આવ્યો છે. આફ્રિકા સામેના ત્રણેય ફોર્મેટ માટે અલગ-અલગ કેપ્ટનોની નિમણૂક કરવામાં આવી છે.

નવી દિલ્હીઃભારતીય ટીમ ઓસ્ટ્રેલિયા સાથે 5 મેચની સિરીઝ બાદ દક્ષિણ આફ્રિકાના પ્રવાસે જઈ રહી છે. BCCIએ આ પ્રવાસ માટે ભારતીય ટીમની જાહેરાત કરી છે. આફ્રિકા સામેની ટી-20 મેચમાં સૂર્યકુમાર યાદવ કેપ્ટન રહેશે. જ્યારે કેએલ રાહુલને વનડે મેચ માટે કેપ્ટન બનાવવામાં આવ્યો છે. રોહિત શર્મા સાઉથ આફ્રિકા સામેની ટેસ્ટ મેચમાં કેપ્ટનશિપ કરતો જોવા મળશે. રોહિત શર્માને વનડે અને ટી-20 મેચમાં સામેલ કરવામાં આવ્યો નથી. ત્યાર બાદ તે ટેસ્ટ મેચોમાં કેપ્ટનશિપ કરશે.

ભારત ત્રણ ટી-20, ત્રણ વનડે અને બે ટેસ્ટ મેચ રમશે: ભારતીય ટીમ દક્ષિણ આફ્રિકાના પ્રવાસ પર ત્રણ ટી-20, ત્રણ વનડે અને બે ટેસ્ટ મેચ રમશે. સંજુ સેમસનને પણ ODI માટે ટીમમાં પસંદ કરવામાં આવશે. રોહિત શર્માની ગેરહાજરીમાં કેએલ રાહુલ વનડેમાં ભારતીય ટીમની કમાન સંભાળશે. ઈજા બાદ રજત પાટીદાર પણ ભારતીય વનડે ટીમનો ભાગ બનશે. સૂર્યકુમાર યાદવને આફ્રિકા સામેની વનડે મેચમાં આરામ આપવામાં આવ્યો છે.

ઓસ્ટ્રેલિયા સામેની સિરીઝમાં ભારત 2-1થી આગળ:હાલમાં ભારતીય ટીમ ઓસ્ટ્રેલિયા સાથે પાંચ મેચની T20 શ્રેણી રમી રહી છે. જેની ચોથી મેચ 1 ડિસેમ્બરે રમાશે. ભારતીય ટીમે અત્યાર સુધી ત્રણમાંથી 2 મેચ જીતી છે જ્યારે ઓસ્ટ્રેલિયાએ એક મેચ જીતી છે.

ભારતીય ટીમને મળ્યા ત્રણેય ફોર્મેટમાં કેપ્ટન : એક રિપોર્ટ અનુસાર, રોહિત શર્મા T-20 મેચ માટે કેપ્ટન બનવા જઈ રહ્યો હતો. પરંતુ BCCIની જાહેરાત બાદ રોહિત શર્મા T-20 મેચ નહીં રમે. આફ્રિકા સામેની ટી-20 મેચમાં સૂર્યકુમાર યાદવ કેપ્ટન રહેશે. જ્યારે કેએલ રાહુલને વનડે મેચ માટે કેપ્ટન બનાવવામાં આવ્યો છે. રોહિત શર્મા સાઉથ આફ્રિકા સામેની ટેસ્ટ મેચમાં કેપ્ટનશિપ કરતો જોવા મળશે.

આ પણ વાંચો: