મુંબઇઃ નાના પડદાના સૌથી વિવાદીત રિયાલિટી શો બિગ બૉસ-13માં દર્શકોને ભરપૂર મનોરંજન પુરૂં પાડ્યા બાદ આ શોની ત્રણ સુપરહીટ જોડી ફરી એકવાર સાથે જોવા મળી શકે છે અને આ વખતે ગુસ્સો અથવા ટાસ્ક કરતા નહીં, પરંતુ સ્ટેજ પર ડાન્સ કરતા જોવા મળી શકે છે.
અસીમ રિયાઝ-હિમાંશી ખુરાના, સિદ્ધાર્થ શુક્લા- શહનાઝ ગિલ અને પારસ છાબડા-માહિરા શર્માની જોડીને દર્શકો વધુ એક ટીવી શોમાં જોઇ શકશે.
બિગ બૉસ 13માં આ ત્રણેય જોડીને ફેન્સે ખૂબ જ પસંદ કરી હતી. એવામાં તેનો ફાયદો ઉઠાવવા માટે ટીવી શો નચ બલિયે 10ના મેકર્સે આ ત્રણેય જોડીને પોતાના ટીવી શો માટે અપ્રોચ કર્યા છે.
રિપોર્ટ અનુસાર મેકર્સે આ તમામ કન્ટેસ્ટન્ટને મળેલી ભારે પોપ્યુલેરિટીને ધ્યાનમાં રાખીને તેને પોતાના ટીવી શો નચ બલિયે 10નો ભાગ બનવાની ઑફર આપી છે.
જો કે, અત્યાર સુધીમાં અસીમ રિયાઝ-હિમાંશી ખુરાના, સિદ્ધાર્થ શુક્લા-શહનાઝ ગિલ અથવા પારસ છાબડા અને માહિરા શર્મા તરફથી કોઇ નિવેદન સામે આવ્યું નથી, પરંતુ આ માહિતી ચોક્કસથી તેના ફેન્સમાં એક એક્સાઇટમેન્ટ આપશે.
TAGGED:
Etv Bharat