'રામાયણ'ની સીતા હવે બનશે 'સરોજિની'

ક્લાસિક સિરિયલ 'રામાયણ'માં સીતાની યાદગાર ભૂમિકા ભજવનારી અભિનેત્રી દીપિકા ચીખલીયા હવે સ્વાતંત્ર્ય સેનાની સરોજિની નાયડુની બાયોપિકમાં જોવા મળશે. આ ફિલ્મનું પહેલું પોસ્ટર તેણે ઇન્સ્ટાગ્રામ પર શેર કર્યુ હતું.

મુંબઈ: રામાનંદ સાગરની ટેલિવિઝન ધારાવાહિક 'રામાયણ'માં સીતાની ભૂમિકાથી લોકપ્રિય બનેલી અભિનેત્રી દીપિકા ચીખલીયા ફરી એકવાર મુખ્ય ભૂમિકા ભજવતી જોવા મળશે. તે સ્વાતંત્ર્ય સેનાની સરોજિની નાયડુની બાયોપિકમાં મુખ્ય ભૂમિકા નિભાવશે.

દીપિકાએ ગુરુવારે તેના ઇન્સ્ટાગ્રામ પર આ ફિલ્મનું પહેલું પોસ્ટર શેર કર્યું હતું. આ પોસ્ટરમાં અભિનેત્રી વિચારશીલ મુદ્રામાં જોવા મળી રહી છે. પોસ્ટરની ટેગલાઇનમાં લખ્યું છે કે, 'સ્વતંત્રતાની નાયિકાની એક ન કહેવાયેલી કથા.'

આ ફિલ્મનું દિગ્દર્શન આકાશ નાયક અને ધીરજ મિશ્રાએ કર્યું છે.

સરોજિની નાયડુના જીવન પર પ્રથમ વખત બાયોપિકનું નિર્માણ થઈ રહ્યું છે. તેઓ સ્વતંત્રતાની ચળવળના એક મહત્વપૂર્ણ નાયિકા હતા.