દિગ્ગજ અભિનેત્રી પૂનમ ધિલ્લોને વેબસિરીઝ કે શૉમાં કરી શકે છે એન્ટ્રી, ઈન્સ્ટાગ્રામ પર વીડિયો શેર કરી આપી હિન્ટ

હિન્દી સિનેમાની દિગ્ગજ અભિનેત્રી પૂનમ ધિલ્લોન (poonam dhillon) અત્યારે સોશિયલ મીડિયા પર ખૂબ જ એક્ટિવ જોવા મળી રહી છે. ત્યારે હાલમાં જ પૂનમે ઈન્સ્ટાગ્રામ પર એક વીડિયો શેર કરીને તેના ફેન્સને મોટી ગિફ્ટ આપી છે. એટલે કે પૂનમ ધિલ્લોન ટૂંક જ સમયમાં કોઈક શૉમાં કે કોઈક વેબ સિરીઝમાં જોવા મળે તેવી શક્યતા છે.

• દિગ્ગજ અભિનેત્રી પૂનમ ધિલ્લોને ઈન્સ્ટાગ્રામ પર શેર કર્યો વીડિયો
• પૂનમ ધિલ્લાોને વીડિયોથી પોતાની રિએન્ટ્રીની આપી હિન્ટ
• પદ્મિની કોલ્હાપુરીએ પણ પૂનમ ધિલ્લોનના વીડિયો પર કરી કમેન્ટ

અમદાવાદઃ હિન્દી સિનેમાની દિગ્ગજ અભિનેત્રી પૂનમ ધિલ્લોન (poonam dhillon) આજકાલ સોશિયલ મીડિયા પર ખૂબ જ એક્ટિવ રહે છે. આ સાથે જ તે સતત પોતાના ફેન્સના સંપર્કમાં રહે છે. ત્યારે પૂનમ ધિલ્લોને હાલમાં જ ઈન્સ્ટાગ્રામ પર એક વીડિયો શેર કર્યો છે, જેમાં તે ડાન્સ કરતી જોવા મળી રહી છે. આ સાથે જ વીડિયોના કેપ્શનમાં તેણે લખ્યું છે કે, તો નોચ કા વેઈટ તો બસ ખતમ હોનેવાલા હૈ પરત તબ તક કરો એક ટોપ નોચ ડાન્સ. આ સાથે જ વીડિયોમાં કમિન્ગ સુન ડિઝ્ની હોટસ્ટાર લખેલું જોવા મળી રહ્યું છે. એટલે કે પૂનમ ધિલ્લોન ટૂંક જ સમયમાં કોઈક વેબસિરીઝ કે શૉમાં જોવા મળી શકે છે.

આ પણ વાંચો: અજય દેવગણનું કવિતા પઠન અને અક્ષયકુમારના ઉપરાછાપરી પ્રતિભાવ...ફેન્સ માટે આનંદભયો!

પદ્મિની કોલ્હાપુરીએ પૂનમ ધિલ્લાનના કર્યા વખાણ

અભિનેત્રી પૂનમ ધિલ્લોનના આ વીડિયો પર પીઢ અભિનેત્રી પદ્મિની કોલ્હાપૂરીએ પણ કમેન્ટ કરી છે. આ સાથે જ પદ્મિની કોલ્હાપુરીએ પૂનમ ધિલ્લાન જે એનર્જીથી ડાન્સ કરી રહી છે. તેના વખાણ કર્યા હતા. પૂનમ ધિલ્લોન અવારનવાર સોશિયલ મીડિયા પર પોતાના જૂના અને નવા ફોટોઝ-વીડિયોઝ શેર કરીને તેના ફેન્સને ગિફ્ટ આપતી રહે છે. આ સાથે જ પદ્મિની કોલ્હાપુરી સાથેની તેની દોસ્તી પણ ખૂબ જ પ્રખ્યાત છે.

આ પણ વાંચો: ચિંકી મિંકીના ગ્લેમરસ લૂકે જીતી લીધાં દિલ, Dinero ગીત પર કર્યો ડાન્સ