મુંબઇ: આજે સુપરહિટ ફિલ્મ 'પરિણીતા'ના 15 વર્ષ પૂર્ણ ગયા છે. આ પ્રસંગે, ફિલ્મના મુખ્ય કલાકાર સંજય દત્ત અને વિદ્યા બાલને સોશિયલ મીડિયા દ્વારા ફિલ્મને ભરપૂર પ્રેમ આપવા બદલ ચાહકોનો આભાર માન્યો હતો.
બંને અભિનેતાઓએ પ્રદીપ સરકાર દિગ્દર્શિત ફિલ્મની કેટલીક તસવીરો શેર કરીને 15મી વર્ષગાંઠની ઉજવણી કરી હતી. સંજય દત્તે પોસ્ટ સાથે લખ્યું હતું, 'આ ફિલ્મને ખૂબ પ્રેમ આપવા બદલ તમારો આભાર.'
વિદ્યા બાલને પણ ઘણી તસવીરો પોસ્ટ કરી હતી. જે પડદા પાછળની હતી.સાથે જ ફિલ્મની કાસ્ટ, ડિરેક્ટર, ટેકનિશિયન અને ચાહકોનો આભાર માનીને એક પોસ્ટ લખી છે.
અભિનેત્રી દ્વારા શેર કરેલી તસવીરોમાં સૈફ અલી ખાન પણ જોવા મળે છે, જે આ ફિલ્મનો બીજો મુખ્ય સ્ટાર હતો. તો સંજય દત્તે એક વીડિયો શેર કર્યો જે તેના પાત્રનું સૌથી યાદગાર દ્રશ્ય હતું.
વિદ્યાની બાલનના વર્કફ્રન્ટની વાત કરીએ તો, તેણે તાજેતરમાં જ તેની ડેબ્યૂ પ્રોડક્શન પ્રોજેક્ટ 'નટખટ'નું ફર્સ્ટ લૂક પોસ્ટર શેર કર્યુ છે.
