ઝોયા અખ્તરે લોકડાઉન દરમિયાન નવી સિરીઝ 'ઑફ ધ રેકોર્ડ' કરી લૉન્ચ

ઝોયા અખ્તરે લોકડાઉન દરમિયાન નવી સિરીઝ 'ઑફ ધ રેકોર્ડ' શરૂ કરી છે. જેમાં તેણી તેના કલાકારો અને ક્રૂ સભ્યો સાથે તેની ફિલ્મોના કેટલાક યાદગાર દ્રશ્યો બનાવવાની ચર્ચા કરશે અને તે જ બહાને ચાહકોને ફિલ્મ નિર્માણની ટીપ્સ પણ આપશે.

મુંબઇ: ફિલ્મ નિર્માતા ઝોયા અખ્તર અને રીમા કાગતીએ નવી શ્રેણી 'ઑફ ફ ધ રેકોર્ડ' લૉન્ચ કરી છે.

સિરીઝમાં, ફિલ્મ નિર્માતા તેમની ફિલ્મની કાસ્ટ અને યુનિટ સભ્યો સાથે 'તેમના કેટલાક શ્રેષ્ઠ દ્રશ્યો બનાવતી વખતે શું કરવામાં આવ્યું, તે સમયે તેમના દિમાગમાં શું ચાલી રહ્યું હતું અને આ ખાસ દ્રશ્ય શા માટે તે હંમેશાં યાદગાર રહેશે.

પહેલો એપિસોડ જે પહેલાથી જ ટેલિકાસ્ટ થઇ ગયો છે, જેમાં ફરહાન અખ્તર 'ઝિંદગી ના મિલેગી દોબારા'ના એક સીનની ચર્ચા કરી રહ્યા છે, જેમાં તેનું પાત્ર ઇમરાન તેના પિતાને મળે છે, જે પાત્ર નસીરુદ્દીન શાહે ભજવ્યું હતું.