લૉસ એન્જલસ: બોલિવૂડ કલાકારો શાહરૂખ ખાન અને પ્રિયંકા ચોપડા જોનાસ તેમજ બિલી ઇલિશ અને પૉલ મેકકાર્ટની જેવા નામ પૉપ સ્ટાર લેડી ગાગાની 'વન વર્લ્ડ: ટુગેધર એટ હોમ' માટે એક સાથે જોડાયા છે.
કોવિડ-19 માટે ફંડ જમા કરનારી લેડી ગાગા કોન્સર્ટમાં જોડાયા શાહરૂખ-પ્રિયંકા
બોલીવૂડ સેલેબ્સ પણ દેશભરમાં ફેલાયેલા કોરોના વાઇરસને હરાવવા અને લોકોને મદદ કરવા આગળ આવી રહ્યા છે. આ માટે ફંડ જમા કરનારી લેડી ગાગાના કોન્સર્ટમાં શાહરૂખ અને પ્રિયંકા પણ જોડાયા છે. તેનું નામ 'વન વર્લ્ડ: ટુગેધર એટ હોમ' છે.
social
આ એક મેગા લાઇવ સ્ટ્રીમ કોન્સર્ટ છે, જે વિશ્વ આરોગ્ય સંગઠન દ્વારા સંચાલિત કોવિડ-19 એકતા પ્રતિસાદ ભંડોળમાં આખા વિશ્વના ડોકટરો અને આરોગ્ય કર્મચારીઓને ટેકો આપવા અને પ્રોત્સાહિત કરવાના હેતુથી યોજવામાં આવ્યો છે.
પ્રખ્યાત અમેરિકન ટૉક શોના યજમાન જિમ્મી ફૈલૉન, જિમ્મી કિમેલ અને સ્ટીફન કોલબર્ટવિલે તેનું આયોજન કરશે. તે 18 એપ્રિલના રોજ અમેરિકન ટેલિવિઝન નેટવર્ક એબીસી, સીબીએસ અને એબીસી તેમજ ઑનલાઇન પણ પ્રસારિત કરવામાં આવશે.