મુંબઇ: બોલિવૂડ સેલેબ્સ સોનુ સૂદ અને રિતેશ દેશમુખ એક વૃદ્ધ મહિલાના પોતાના ભરણપોષણ માટે રસ્તા પર માર્શલ આર્ટ્સ કરતો એક વાઇરલ વીડિયો જોઈ ચોંકી ઉઠ્યા હતા.
આ વીડિયો ક્લીપમાં એક વૃદ્ધા જાંબુડિયા રંગની સાડીમાં બાંબુની લાકડીઓ વડે માર્શલ આર્ટ્સના ખેલ કરી રહી હતી.
ટ્વીટર પર આ વીડિયોની સરાહના કરતા રિતેશે નેટિઝંસને આ વૃદ્ધાનો સંપર્ક કરી આપવાની વિનંતી કરી. તેણે કેપશનમાં લખ્યું, " વોરિયર આજીમાં. મને પ્લીઝ કોઈ આમનો સંપર્ક કરાવી આપો. "
ત્યારબાદ એક અલગ ટ્વીટમાં રિતેશે જણાવ્યું હતું કે તે આ વૃદ્ધાનો સંપર્ક સાધવામાં સફળ રહ્યો છે.
તો અભિનેતા સોનુ સૂદ પણ આ મહિલાને આર્થિક મદદ કરવાની જાહેરાત કરી છે. તેણે જણાવ્યું હતું કે તે આ મહિલા સાથે માર્શલ આર્ટ્સની સ્કૂલ ખોલવા માંગે છે જેમાં મહિલાઓને આત્મરક્ષા માટેની તાલીમ મળી શકે.
