ફિલ્મ સ્ટાર થલાઈવા રજનીકાન્ત ફરી એક વાર ધૂમ મચાવવા આવી રહ્યા છે, નવી ફિલ્મનું બીજું પોસ્ટર થયું રિલીઝ

સુપરસ્ટાર રજનીકાન્ત ફરી એક વાર દર્શકો વચ્ચે પોતાની નવી ફિલ્મ લઈને આવી રહ્યા છે. રજનીકાન્ત હિન્દી સિનેમામાં પણ ખૂબ જ પ્રખ્યાત છે. રજનીકાન્તની આગામી ફિલ્મ 'અન્નાથે'નું પોસ્ટર સામે આવ્યું છે, જેમાં રજનીકાન્ત ફરી એક વાર ડેશિંગ લુકમાં દેખાઈ રહ્યા છે.

• સુપરસ્ટાર રજનીકાન્તની બીજી ફિલ્મનું પોસ્ટર રિલીઝ
• રજનીકાન્તની ફિલ્મ 'અન્નાથે'નું પોસ્ટર આવ્યું સામે
• ફિલ્મના નિર્દેશક સિરુથઈ શિવાએ ફિલ્મનું પોસ્ટર રિલીઝ કર્યું હતું
  

અમદાવાદઃ સાઉથ ઈન્ડસ્ટ્રીના સુપરસ્ટાર રજનીકાન્ત ફરી એક વાર પોતાની આગામી ફિલ્મ 'અન્નાથે' લઈને આવી રહ્યા છે. ત્યારે આ ફિલ્મની બીજું પોસ્ટર રિલીઝ થઈ ગયું છે, જેમાં રજનીકાન્ત ફરી એક વાર ડેશિંગ લુકમાં દેખાઈ રહ્યા છે. દર્શકો પણ તેમની આ ફિલ્મની આતુરતાથી રાહ જોઈ રહ્યા છે. ફિલ્મના નિર્દેશક સિરુથઈ શિવાએ ફિલ્મનું પોસ્ટર રિલીઝ કર્યું હતું. ત્યારે બીજું પોસ્ટર સોશિયલ મીડિયા પર ઘણું જ વાઈરલ થઈ રહ્યું છે.

ફરી એક વાર ડેશિંગ લુકમાં દેખાયા રજનીકાન્ત

આ ફિલ્મનું પોસ્ટર અભિનેત્રી કિર્તી સુરેશે પણ ઈન્સ્ટાગ્રામ એકાઉન્ટ પર શેર કર્યું છે. તેણે કેપ્શનમાં લખ્યું હતું કે, વેરિથનામાના સિયાલ, અહીં જુઓ #Annaattheથી થલાઈવરનો બીજો લુક. પોસ્ટરમાં રજનીકાન્ત દર વખતની જેમ ફરી એક વાર ડેશિંગ લુકમાં જોવા મળી રહ્યા છે. પોસ્ટરમાં જોઈ શકાય છે કે, રજનીકાન્ત બાઈક પર સવાર છે અને તેઓ એક હાથથી બાઈક ચલાવી રહ્યા છે. આ સાથે જ પોસ્ટરમાં એન્ગ્રી લુક આપી રહ્યા છે. તો ફેન્સને તેમનો આ લુક ઘણો પસંદ આવી રહ્યો છે.