સંજય દત્તે 'મોટા ભાઇ' ઋષિ કપૂરને કર્યા યાદ, લખી ભાવુક નોટ

સંજય દત્તે સ્વર્ગીય ઋષિ કપૂરની યાદમાં એક ભાવુક નોટ સોશિયલ મીડિયામાં પોસ્ટ કરી છે. જેને તે પોતાના મોટા ભાઇ માને છે. અભિનેતા અનુસાર, હાલમાં તેને એ વાતને સ્વીકારવામાં ખૂબ જ સમય લાગશે કે, ઋષિ કપૂર આપણી વચ્ચે રહ્યા નથી.

મુંબઇઃ બૉલિવૂડ અભિનેતા સંજય દત્તનું કહેવું છે કે, આ વાતથી બહાર આવતા મને લાંબો સમય લાગશે કે, ઋષિ કપૂર હવે રહ્યા નથી. સંજયે સોમવારે પોતાના મોટા ભાઇ ઋષિ કપૂરની યાદમાં એક ભાવપૂર્ણ નોટ લખી, જેનું ગત્ત અઠવાડિયે લ્યૂકેમિયાથી નિધન થયું હતું.

સંજયે લખ્યું કે, 'એક વાત જે ચિન્ટૂ સરે મને શીખવી હતી કે, હંમેશા કોઇ વસ્તુને ચહેરા પર એક હાસ્ય સાથે કરો. આ વાતથી બહાર આવતા મને વધુ સમય લાગશે કે, ચિન્ટૂ સર આપણી વચ્ચે રહ્યા નથી. તે હંમેશા મારા માટે એક મોટા ભાઇ તરીકે રહ્યા છે. વિશ્વાસ થતો નથી કે, આપણે તેમને ગુમાવ્યા છે.'

પોતાની આ પોસ્ટની સાથે સંજયે એક ફોટો શેર કર્યો છે, જેમાં તે સ્વર્ગીય અભિનેતા અને તેના દિકરા રણબીર કપૂરની સાથે હસતા જોવા મળી રહ્યા છે.

સંજય દત્ત અને ઋષિ કપૂરે 'હત્યારા' અને 'અગ્નિપથ' જેવી ફિલ્મોમાં સાથે કામ કર્યું છે.