સલમાન ખાને શેર કરી તસવીર, સમજાવ્યું કે ઘરે રહેનારા છે સલામત

સલમાન ખાન ટૂંક સમયમાં જ તેની પોતાની યૂ-ટ્યુબ ચેનલ શરૂ કરવા જઈ રહ્યો છે, જેમાં તે ચાહકોને કોરોના વાઇરસથી વાકેફ કરશે. સાથે જ તેઓ નવી પ્રતિભાને પણ તક આપશે.

મુંબઇ: બોલીવુડના સુપરસ્ટાર સલમાન ખાન આ દિવસોમાં પનવેલ ફાર્મહાઉસ ખાતે પરિવાર સાથે છે, ત્યારે સલમાન ખાન પણ સોશિયલ મીડિયા પર તેના ચાહકોને કોરોના વાઇરસથી જાગ્રૃત કરી રહ્ય છે.

સલમાન વારંવાર તેના સોશિયલ મીડિયા પર એવી રીતે પોસ્ટ કરે છે કે લોકો આ વાઇરસ વિશે જાગૃત હોય. સલમાન ખાને આજે આવી જ એક પોસ્ટ શેર કરી છે. સલમાને બિલ્ડિંગની એક તસવીર શેર કરી છે જેમાં બે માળ દેખાઈ રહ્યા છે.

ફ્લોરની બારીમાં, એક વ્યક્તિ હાથ જોડીને બેઠો છે, જ્યારે નીચે ફ્લોરની બારી પર, એક વ્યક્તિ નમાઝ વાંચતો નજરે પડે છે.

એવું લાગે છે કે સલમાન ખાન આ પોસ્ટ પરથી સમજાવવાનો પ્રયાસ કરી રહ્યો છે કે જ્યારે તમે તમારા ઘરે રહેશો ત્યારે જ તમે સલામત રહેશો અને તે જ સમયે તેઓ એ પણ શીખવી રહ્યા છે કે તેઓ ગમે તે ધર્મ હોય, પણ તેઓ સલામત રહેવાની સલાહ આપે છે.