અનુરાગ કશ્યપે તેની ફિલ્મ ‘ચોકડ: પૈસા બોલતા હૈ’ની અભિનેત્રી સંયામીના કર્યા વખાણ

અનુરાગ કશ્યપે તેની તાજેતરની નેટફ્લિક્સ ફિલ્મ ‘ચોકડ: પૈસા બોલતા હૈ’ની મુખ્ય અભિનેત્રી સંયામી ખેરના વખાણ કરતા જણાવ્યું હતું કે, આ ફિલ્મની કિચન સિકવંસ એક જ વારમાં શૂટ થઈ ગઈ હતી. જેથી તેઓ લાગણીશીલ થઈ ગયા હતા.

મુંબઈ: અનુરાગ કશ્યપે તેની નેટફ્લિક્સ ફિલ્મ ‘ચોકડ: પૈસા બોલતા હૈ’ ની મુખ્ય અભિનેત્રી સંયામી ખેરને ફિલ્મનો ભાગ બનવા બદલ આભાર માન્યો હતો. આ ફિલ્મને આજથી ત્રણ વર્ષ પહેલાં નોટબંધીના સમયમાં શૂટ કરવામાં આવી હતી.

અનુરાગે એક બ્લેક એન્ડ વ્હાઇટ ફોટો શેર કર્યો હતો જેમાં તે સંયામીને આનંદથી ભેટી પડતો જોવા મળી રહ્યો છે.

અનુરાગે લખ્યું, " સંયામીએ શરવરી તાઈ સાથે એક કિચન સિકવંસ શૂટ કરવાની હતી જે તેણે એક જ શોટમાં પૂરી કરી હતી અને તેમાં ઘણું સારું કામ કર્યું હતું.”

અમે એ દૃશ્યનું ફરીવાર શૂટિંગ ન કર્યું. તેણે મારા પર ભરોસો મૂક્યો અને ફિલ્મ રિલીઝ માટે ત્રણ વર્ષ કરતા પણ વધુ રાહ જોઈ."