રવીના ટંડને જણાવી પરદે કે પીછે કી કહાની, બોલીવુડની લોબી અને ગંદા રાજકારણ અંગે કહી આ વાત

કંગના રનૌત બાદ રવીના ટંડને સોશિયલ મીડિયાના માધ્યમથી ફિલ્મ ઇન્ડસ્ટ્રીની ગર્લ ગેંગ અને ગંદા રાજકારણમાં બનતી કેટલીક બાબતોનો ઉલ્લેખ કર્યો છે. અભિનેત્રીએ જણાવ્યું કે, કેટલાક લોકો સર્વાઈવ કરે છે અને કેટલાક નથી કરી શકતા.

મુંબઇ: અભિનેત્રી રવીના ટંડને બોલીવુડની ગર્લ ગેંગ અને ગંદા રાજકારણમાં બનતી કેટલીક બાબતોનો ઉલ્લેખ કર્યો છે. તેમણે જુના દિવસોને યાદ કરતા કહ્યું હતું કે, હીરો અને તેની ગર્લફ્રેન્ડને કારણે તેની મજાક ઉડાવવામાં આવતી અને તેને બાદમાં ફિલ્મોમાંથી કાઢી નાખવામાં આવે.

રવીનાએ ટ્વિટ કર્યું કે, ઇન્ડસ્ટ્રીઝમાં ગર્લ ગેંગ અને કેમ્પ અસ્તિત્વમાં છે. મજાક કરવામાં આવે છે. ફિલ્મમાં હીરોને તેની ગર્લફ્રેન્ડ્સ તો ક્યારેક ચાપલુસી કરતાં પત્રકારોનો ઉપયોગ કરી તેમને દૂર કરવામાં આવે છે. તેમજ તેમની કારકિર્દી ખતમ મીડિયા પર કેટલીક સ્ટોરી છાપવામાં આવે છે. કેટલીક વાર કારકિર્દીનો અંત પણ આવી જાય છે. તમારે સંઘર્ષ કરતા રહેવું પડે છે. કેટલાંક સર્વાઈવ કરે છે, કેટલાંક નથી કરી શકતા.

તેમણે કહ્યું કે, જો તમે સાચું બોલો છો તો તમને પાગલ, જૂઠ્ઠા, સાયકૉટિક કહેવામાં આવે છે. તેમણે આગળ જણાવ્યું કે, ચાપલુસી કરતા પત્રકારો તમે જે મહેનત કરી છે, તેનો નાશ કરવા માટે પાના ભરી ભરીને લખે છે. તમારી તમામ મહેનત પર પાણી ફેરવી દે છે.

રવીનાએ વધુમાં કહ્યું હતું, હું આભારી છું કે, આ ઈન્ડસ્ટ્રીએ મને જે પણ આપ્યું ,હા એ વાત સાચી છે કે, અહીંયા બહુ જ દબાણ છે. અહીં સારા લોકો પણ છે અને ખરાબ લોકો પણ છે.