રાજકુમારે પરીક્ષા આપી રહેલા વિદ્યાર્થીઓને આપી સ્પેશિયલ "છલાંગ" શુભેચ્છા

રાજકુમાર રાવે પરીક્ષા આપી રહેલા વિદ્યાર્થીઓને એક પ્રેરિત કરનાર વીડિયો શેર કર્યો છે.વીડિયોમાં અભિનેતા અને નુશરત ભરૂચાએ પરીક્ષા સમયે થનાર તણાવ વિશે વાત કરી હતી અને અમુક ટિપ્સ આપી હતી.

મુંબઈ : રાજકુમાર રાવની આગામી ફિલ્મ "છલાંગ"માં નુશરત ભરૂચાની સાથે જોવા મળશે.તેમણે શુક્રવારે પરીક્ષા આપનાર વિદ્યાર્થીઓને પ્રેરણા આપી હતી.

35 વર્ષીય અભિનેતાએ પોતાના ઇન્સટ્રાગ્રામ પર વીડિયો શેર કરતા કહ્યું કે,"પરીક્ષા આપી રહેલા વિદ્યાર્થીઓ ઓલ ધી બેસ્ટ", "પોતાની મહેનતથી છલાંગ મારો અને તણાવમાં ન રહેશો".1 મિનટ 23 સેકન્ડના વીડિયોમાં આ બન્નેએ પરીક્ષા દરમિયાન વિદ્યાર્થીઓને જે તણાવ થાય છે તે વિશે વાત કરી હતી,વિદ્યાર્થીઓને ટિપ્સ આપી અને ચિંતા ન કરવાની વાત કરી હતી.

નુશરતે કહ્યું કે,સિલેબસને જોઇને ડરવાની જરૂર નથી.એક વખતમાં એક પેજ અને તમે સારી રીતે પરીક્ષા આપી શકશો. જે બાદ રાજકુમારે કહ્યું કે,અમે બધાએ પરીક્ષા આપી છે. જેમાં ચિંતાની કોઇ વાત જ નથી. તો આ સાથે વાંચન બાદ વચ્ચે વચ્ચે બ્રેક પણ લો.