મુંબઇ: બોલીવૂડ અને હોલિવૂડ અભિનેત્રી પ્રિયંકા ચોપડા મુંબઈ એરપોર્ટની બહાર જોવા મળી હતી. અભિનેત્રીએ વ્હાઇટ કલરનું ટી-શર્ટ અને લાઇટ બ્લુ ડેનિમ જીન્સ સાથે મેચિંગ શુઝ પહેર્યા હતા. જેમાં તે હંમેશાની જેમ આકર્ષક લાગી રહી હતી.
પ્રિયંકા પણ તેના નાની ફેન્સ સાથે એરપોર્ટ પર વાતચીત કરતી અને ફ્લાઇંગ કિસ કરતી જોવા મળી હતી. આ પહેલા અભિનેત્રી 19 જાન્યુઆરીએ ઉમંગ એવોર્ડ્સમાં ભાગ લેવા માટે ભારત આવી હતી.વર્કફ્રન્ટની વાત કરીએ તો, પ્રિયંકા ચોપરા જોનાસ છેલ્લે ફરહાન અખ્તરની સાથે 'ધ સ્કાય ઇઝ પિંક'માં જોવા મળી હતી. પ્રિયંકાના આગામી પ્રોજેક્ટ વિશે વાત કરવામાં આવે તો, તે નેટફ્લિક્સ પરની 'ધ વ્હાઇટ ટાઇગર'માં જોવા મળશે. આ ફિલ્મમાં તેમની સાથે રાજકુમાર રાવ મુખ્ય ભૂમિકામાં હશે. જેનું શૂટિંગ પૂરુ થયું છે.