લોસ અંજિલ્સ: ભારતીય અભિનેત્રી પ્રિયંકા ચોપરા જોનસ (Priyanka chopra jonas) અને તેના અમેરિકન પોપ સ્ટાર પતિ નિક જોનસ તાજેતરમાં સરોગેટ બાળકના માતા-પિતા બન્યા છે. 39 વર્ષીય અભિનેત્રીએ તાજેતરમાં સરોગેટ દ્વારા તેના પ્રથમ બાળકના આગમનની ખુશી શેર કરી હતી. આ સાથે બન્ને સ્ટાર્સે જણાવ્યું કે, તેઓ વધુ એક બાળક (Priyanka Chopra baby Phtotos) કરવા માંગે છે.
ભવિષ્યમાં વધુ એક બાળક કરવા માટે આતુર
સૂત્રોના જણાવ્યાં અનુસાર, સેલિબ્રિટી દંપતીના મિત્રો પણ નવા માતા-પિતા બનવા માટે ઉત્સાહિત છે અને આ યુગલ ભવિષ્યમાં વધુ એક બાળક કરવા માટે આતુર છે. 2018માં પોપ સ્ટાર સાથે લગ્ન કરનાર અભિનેત્રીએ તાજેતરમાં ઇન્સ્ટાગ્રામ (Priyanka chopra instagram account) પર ખુશીના સમાચાર આપ્યાં હતાં.
પ્રિયંકાએ ફોટો-શેરિંગ પ્લેટફોર્મ પર કહ્યું
પ્રિયંકાએ ફોટો-શેરિંગ પ્લેટફોર્મ પર કહ્યું, 'અમે એ વાતની પુષ્ટિ કરતા ખૂબ જ ખુશી અનુભવી છીએ કે, અમે સરોગેટ દ્વારા એક બાળકનું સ્વાગત કર્યું છે. અમે આ ખાસ સમય માટે આદરપૂર્વક અંગત સમય માટે પૂછીએ છીએ કારણ કે, અમે અમારા પરિવાર પર ધ્યાન કેન્દ્રિત કરી રહ્યાં છીએ'.