મુંબઇ: બોલિવૂડના 'હી-મેન' ધર્મેન્દ્ર ભલે ઘણા સમયથી ફિલ્મથી દુર રહ્યા હોય, પરંતુ તે સોશિયલ મીડિયા પર ખૂબ જ એક્ટિવ રહે છે. ધર્મેન્દ્ર ઘણીવાર સોશિયલ મીડિયા પર તેમના ફેંસ સાથે તેના જુના ફોટા અને વીડિયો શેર કરે છે. આ દરમિયાન, ધર્મેન્દ્રએ તેની ફિલ્મ 'પ્રતિજ્ઞા'ના ઘણા વીડિયો શેર કર્યા છે.
ધર્મેન્દ્ર અને હેમા માલિનીની સુપરહિટ ફિલ્મ 'પ્રતિજ્ઞા'એ તાજેતરમાં 45 વર્ષ પૂરા કર્યા છે. આ પ્રસંગે ધર્મેન્દ્રએ આ ફિલ્મના તેના અને હેમા માલિનીના વીડિયો શેર કર્યા હતા. જે લોકો ખૂબ પસંદ કરી રહ્યા છે. વર્ષ 1975માં રિલીઝ થયેલી આ ફિલ્મનું દિગ્દર્શન દુલાલ ગુહાએ કર્યું હતું અને આ ફિલ્મમાં ધર્મેન્દ્રના પાત્રને ખૂબ પસંદ કરવામાં આવ્યું હતું.