ટિકટોક સ્ટાર ફૈઝલ સિદ્દીકીના વીડિયો પર અભિનેત્રી પૂજા ભટ્ટે રોષ વ્યક્ત કર્યો

હાલમાં ટિકટોકર્સ અને યૂટ્યુબર્સ વચ્ચે જંગ ચાલી રહી છેે.. એવામાં ટિકટોક સ્ટાર ફૈઝલ સિદ્દીકીના એક વીડિયો પર અભિનેત્રી પુજા ભટ્ટે રોષ વ્યક્ત કર્યો છે.

મુંબઈઃ એસિડ એટેક અંગે ટિકટોક સ્ટાર ફૈઝલ સિદ્દીકીનો એક વીડિયો આજકાલ ચર્ચામાં છે. આ વીડિયોને લઈ ગણી આલોચના થઈ રહી છે. આ રાષ્ટ્રીય મહિલા આયોગે પણ પગલા લેવાની વાત કરી છે. અને હવે અભિનેત્રી પૂજા ભટ્ટે પણ આ વીડિયોને લઈ પોતાનો રોષ વ્યક્ત કર્યો છે.

વાઈરલ વીડિયોમાં ફૈઝલ એક એવા યુવકની એક્ટિંગ કરે છે, જે પોતાની પ્રેમિકાને ગુમાવ્યાં પછી ખુબ જ દુઃખી છે. વધુમાં વીડિયોમાં તે તેની પ્રેમિકાને કહે છે કે તે તને છોડી દેશે, જેના માટે તે મને છોડી દીધો. ત્યાર બાદ તે યુવક તેની પ્રેમિકા પર એસિડ ફેંકે છે અને યુવતીનો ચહેરો અને તેની સુંદરતા બળી જાય છે.

પુજા ભટ્ટે આ અંગે રોષ વ્યક્ત કરતાં કહ્યું કે, ' ધરતી પર લોકો સાથે શું ખોટું થયું..? તે ખુબ જ વિકૃત છે. @TikTok_IN તમે તમારા પ્લેટફોર્મ પર આવું કન્ટેન્ટ રજૂ કરવાની પરવાનગી કેવી રીતે આપી શકો છો. '

ગત દિવસોમાં રાષ્ટ્રીય મહિલા આયોગની ચેરપર્સન રેખા શર્માએ ટ્વિટ કરી કહ્યું હતું કે, તે મામલાને પોલીસ પાસે લઈ જશે અને પોતે પણ આ મામલે કાર્યવાહી કરશે. નોંધનીય છે કે હાલ સોશિયલ મીડિયાાં ટિકટોક વર્સીસ યુટ્યુબ ની જંગ તો ચાલી જ રહી છે. તેમજ કેટલાક લોકોએ ટિકટોકને બેન કરવાની માંગ કરી રહ્યાં છે.