પ્રાચીન ભજન 'આત્માની ઓળખ' ને નવા સંગીત સાથે યુવાનોમાં મળી નવી ઓળખ

ગુજરાતી ફિલ્મોના સ્ટાર મલ્હાર ઠાકરને લઈને ફિલ્મ નિર્માતા જીગર ચૌહાણે ગજરાતી પ્રાચીન ભજન આત્માની ઓળખ થોડા સમય પહેલા ક્રિસ્ટલ કલર્સ ઇવેન્ટ સ્ટુડિયો ચેનલ પર લોન્ચ કર્યું છે. યુવા ગાયિકા સાંત્વની ત્રિવેદીના અવાજમાં ગવાયેલું આ ગીત નવી પેઢીને પસંદ આવે તેવા સંગીત સાથે યુવાનોમાં ખુબ ઝડપથી વાયરલ થઇ રહ્યું છે.

• પ્રાચીન ભજન 'આત્માની ઓળખ'ને નવા સંગીત સાથે યુવાનોમાં મળી નવી ઓળખ
• મલ્હાર ઠાકર અને યુવા ગાયિકા સાંત્વની ત્રિવેદી દ્વારા રજૂ કરાયું છે આ ગીત
• જીગર ચૌહાણ અને રાહુલ મુંજારિયાએ જીવંત કર્યું પ્રાચીન ભજન આત્માની ઓળખ
  

ન્યૂઝ ડેસ્ક : યુવાઓમાં લોકપ્રિય એવા ગુજરાતી સુપરસ્ટાર મલ્હાર ઠાકર અને યુવા ગાયિકા સાંત્વની ત્રિવેદીએ રજૂ કરેલું ગીત 'આત્માની ઓળખ' તાજેતરમાં જ લોન્ચ થયું છે. ગીતકાર રાહુલ મુંજારિયાએ પોતાના સંગીતથી, મલ્હાર ઠાકર જેવા પરિપક્વ અભિનેતાએ પોતાના અભિનયથી અને સાંત્વનીના મધુર અવાજે આ ગીતને ખુબ સુંદર રીતે પ્રસ્તુત કર્યું છે.

મીરાબાઈએ પણ આ ભજન પ્રસ્તુત કર્યું હોવાની લોકવાયિકા

'આત્માની ઓળખ' પ્રાચીન સમયમાં ઘણા બધા કલાકારો દ્વારા રજૂ કરવામાં આવ્યું છે. આ ઉપરાંત મિરાબાઈએ પણ આ ગીતને પ્રસ્તુત કર્યુ હોવાની લોકવાયિકા છે. 84 લાખ અવતાર પછી આત્મા સાથેની ઓળખ “હંસલો અને બગલાનો ભેદ” જેવા અનેક વિષયો આ ગીતમાં ખુબ સુંદર રીતે પ્રસ્તુત કરવામાં આવ્યા છે.

આત્માની ઓળખ

યુવાનોની સાથે સાથે વડીલોમાં પણ લોકપ્રિય

આ ગીતને યુવાનોની સાથે સાથે વડીલોમાં પણ ખુબ લોકપ્રિય બની રહ્યું છે. સંગીતકાર રાહુલ મુંજારિયાએ પોતાના સંગીતથી, મલ્હાર ઠાકર જેવા પરિપક્વ અભિનેતાએ પોતાના અભિનયથી અને સાંત્વનીના મધુર અવાજે આ ગીતને ખુબ સુંદર રીતે પ્રસ્તુત કર્યું છે. આજના સમયમાં યુવાનોમાં ખુબ લોકપ્રિય અને પોતાના ફોક ફ્યુઝન (Folk Fusion) ગીતોથી લોકપ્રિય બનેલા ગાયિકા સાંત્વની ત્રિવેદીએ આ ગીતને પૂરતો ન્યાય આપ્યો છે. આ ગીતનું ફિલ્માંકન ઝીઝુંવાડા ગામમાં કરવામાં આવ્યું હતું. જ્યાંના લોકોનો પણ ખૂબ સુંદર પ્રતિસાદ મળ્યો હતો.