હૈદરાબાદ: સાઉથ એક્ટર નાગાર્જુને (South actor Nagarju) ગુરુવારે એક ટ્વિટમાં જણાવ્યું હતું કે, સામંથા રૂથ પ્રભુ અને નાગા ચૈતન્યના છૂટાછેડા પર કોઈ નિવેદન આપ્યું નથી. આ અહેવાલો પર અભિનેતાએ ટ્વીટ કરીને પોતાની નારાજગી વ્યક્ત કરી છે અને મીડિયાને આવા ખોટા અને પાયાવિહોણા સમાચારોથી દૂર રહેવાની વિનંતી કરી છે. જેમાં નાગાર્જુને અભિનેત્રી સામંથા રૂથ પ્રભુને છૂટાછેડાનું કારણ જણાવ્યું હતું.
નાગાર્જુનનું ટ્વિટ
નાગાર્જુને ટ્વીટ કરીને લખ્યું, 'સમંથા રુથ પ્રભુ અને નાગા ચૈતન્યના છૂટાછેડા (Divorce of Samantha and Chaitanya) પર સોશિયલ મીડિયા અને ઈલેક્ટ્રોનિક મીડિયા પર જે બતાવવામાં આવી રહ્યું છે અને કહેવામાં આવી રહ્યું છે તે સંપૂર્ણપણે ખોટું અને તદ્દન બકવાસ છે, હું મીડિયાના મિત્રોને વિનંતી કરું છું કે આવી અફવાઓ બંધ કરો.
આ પણ વાંચો:
શું ફેલાવવામાં આવી હતી અફવા?
એક ઈન્ટરવ્યુમાં ચૈતન્યના પિતા નાગાર્જુને જણાવ્યું હતું કે, 'સમંથા જ ડિવોર્સ ઇચ્છતી હતી અને તેનો પુત્ર તેના નિર્ણય પર સહમત હતો. તેણે આગળ કહ્યું કે, 'નાગા ચૈતન્યએ તેનો નિર્ણય સ્વીકારી લીધો, પરંતુ તે મારા વિશે ખૂબ ચિંતિત હતા, હું શું વિચારીશ અને પરિવારના સન્માનનું શું થશે'.
આ પણ વાંચો:
મારો પરિવાર સેમ સાથે વિતાવેલી પળોને હંમેશા વહાલ કરશે
જ્યારે પૂર્વ દંપતિએ સોશિયલ મીડિયા પર તેમના છૂટાછેડાની જાહેરાત કરી, ત્યારે નાગાર્જુને તેના પર દુઃખ વ્યક્ત કર્યું. તેણે લખ્યું, 'મારે ભારે દુ:ખ સાથે કહેવું છે કે સેમ અને ચાઇ (ચૈતન્ય) વચ્ચે જે પણ થયું તે ખૂબ જ દુર્ભાગ્યપૂર્ણ છે, પત્ની અને પતિ વચ્ચે જે થાય છે તે ખૂબ જ વ્યક્તિગત છે. સેમ અને ચાઈ બંને મને વહાલા છે, મારો પરિવાર સેમ સાથે વિતાવેલી પળોને હંમેશા વહાલ કરશે અને તે હંમેશા અમારા માટે પ્રિય રહેશે, ભગવાન બંનેને આશીર્વાદ આપે.
