મુંબઇ: મુંબઈ પોલીસ કમિશ્નર પરમબીરસિંહે સોમવારે બોલિવૂડ સુપરસ્ટાર અક્ષય કુમારનો આભાર માન્યો હતો. કારણ કે અભિનેતાએ પોલીસ સંગઠનમાં 2 કરોડ રૂપિયાની સહાય આપી છે.
અક્ષયએ મુંબઇ પોલીસ ફાઉન્ડેશનમાં 2 કરોડની કરી સહાય
મુંબઈ પોલીસ કમિશ્નરે એક ટ્વીટ કરી અક્ષય કુમારનો આભાર માન્યો હતો, કારણ કે અભિનેતાએ તેમના ફંડમાં 2 કરોડની સહાય આપી છે. જવાબમાં અભિનેતાએ એ હવાલદારોને સલામ કરી હતી, જેમણે કોરોના સાથેની લડતમાં પોતાનો જીવ ગુમાવ્યો હતો.
akshay kumar
પોલીસ કમિશ્નરે પોતાના ટ્વીટર દ્વારા બોલિવૂડના સુપરસ્ટાર અક્ષય કુમારના યોગદાન બદલ આભાર માન્યો હતો. તેમણે ટ્વીટ કર્યું કે, '@akshaykumar મુંબઈ પોલીસ ફાઉન્ડેશનને 2 કરોડનો ફાળો આપવા બદલ મુંબઈ પોલીસ તમારો આભાર વ્યક્ત કરે છે.'
ટ્વીટમાં આગળ લખ્યું છે કે, 'તમારા યોગદાનનો ઉપયોગ શહેરની સુરક્ષામાં તૈનાત કરાયેલા લોકો-મુંબઈ પોલીસની મહિલાઓ અને પુરુષોના જીવ બચાવવા માટે કરવામાં આવશે. #મુંબાઈપોલીસફાઉન્ડેશન.