'હમરાહ' ગીતનું પોસ્ટર રિલીઝ, જુઓ આદિત્ય-દિશાનો રોમાન્સ

અભિનેત્રી દિશા પટની અને આદિત્ય રૉય કપૂર સ્ટારર ફિલ્મ 'મલંગ'નું બીજુ ગીત 'હમરાહ'નું પોસ્ટર રિલીઝ, અગાઉ એક ગીત લોન્ચ થઈ ચૂક્યું છે.

મુંબઈઃ બૉલિવૂડ અભિનેત્રી દિશા પટની અને આદિત્ય રૉય કપૂરની આગામી ફિલ્મ 'મલંગ'નું નવું ગીત 'હમરાહ'નું પોસ્ટર રિલીઝ કરવામાં આવ્યું છે. જેમાં આદિત્ય અને દિશા રોમાન્સ કરતા જોવા મળે છે. આ પોસ્ટરમાં ગીતના રિલીઝ ડેટની જાણકારી આપી છે.

દિશા પટની અને આદિત્ય રૉય કપૂર સ્ટારર ફિલ્મ 'મલંગ'નું ટ્રેલર રિલીઝ થઈ ગયું છે. દર્શકો દ્વારા ટ્રેલરને ખુબ જ પસંદ કરવામાં આવી રહ્યું છે. તેમજ આ ફિલ્મનું એક ગીત પણ લોન્ચ થઈ ગયું છે. જ્યારે બીજા ગીતનું પોસ્ટર આજે રિલીઝ કરવામાં આવ્યું છે. જેમાં દિશા અને આદિત્ય બંને રોમાન્સ કરતા દેખાય છે.

ફિલ્મના નિર્માતા લવ ફિલ્મ્સે આ ગીતનું પોસ્ટર શેર કર્યુ છે. જેના કેપ્શનમાં લખ્યું છે, 'એક અનુભવથી બીજા અનુભવને જીવતા' હમરાહ સોન્ગ 23 જાન્યુઆરીએ રિલીઝ કરવામાં આવશે. તમને જણાવી દઈએ કે, આ અગાઉ ફિલ્મનું 'ચલ ઘર ચલે' ગીત લોન્ચ થયું છે. જેને દર્શકોનો સારો પ્રતિભાવ મળી રહ્યો છે.

મહત્વનું છે કે, 'મલંગ'નું નિર્દેશન મોહિત સુરીએ કર્યુ છે. ટી-સીરીઝના ભુષણ કુમાર, કૃષ્ણ કુમાર, લવ ફિલ્મ્સના લવ રંજન, અંકુર ગર્ગ અને નોર્થન લાઈટ્સના જે શેવક્રમણી દ્વારા નિર્મિત આ ફિલ્મ 7 ફેબ્રુઆરીએ રિલીઝ થશે.