હૈદરાબાદ: આજે સમગ્ર દેશમાં મકરસંક્રાંતિના (Makar Sankranti 2022) તહેવારને ઉત્સાહ સાથે ઉજવવામાં આવી રહ્યો છે. સંક્રાંતિના ખાસ અવસર પર, લોકો પતંગ ઉડાવે છે અને ગોળ અને તલથી બનેલી સ્વાદિષ્ટ વાનગીઓનો આનંદ માણે છે. આ દિવસનું વિશેષ મહત્વ એ છે કે, આ દિવસે સૂર્ય મકર રાશિમાં પ્રવેશ કરે છે. આ સાથે આ દિવસે દાનનું પણ વિશેષ મહત્વ છે. આ ખાસ અવસર પર હેમા માલિનીથી લઈને અક્ષય કુમાર સુધીના ઘણા સેલેબ્સે સોશિયલ મીડિયા (Social Media) પર ચાહકોને મકરસંક્રાંતિની શુભેચ્છા (CELEBS WISH SANKRANTI) પાઠવી છે.
તમને જણાવી દઈએ કે, મકરસંક્રાંતિ ઉત્તર ભારતમાં અને પોંગલ દક્ષિણ ભારતમાં ઉજવવામાં આવે છે. ટ્વિટર પર તેના ચાહકોને સંક્રાંતિની શુભકામના આપતા અક્ષયે લખ્યું, 'મીઠે ગોળ મેં મિલ જાયે તિલ... ઉડી પતંગ ખિલ ગયે દિલ', આ સાથે અક્ષયે તેની તસવીર પણ શેર કરી છે. જેમાં તે પતંગ ઉડાવતો જોવા મળી રહ્યો છે.