એક ઇંટરવ્યુમાં જ્યારે કરીનાને કંગના રનૌતની બાયોપિક પર સવાલ કરવામા આવ્યો તો કંગનાના વખાણ કરતા કરીનાએ કહ્યું કે, ‘મેં સાંભળ્યુ કે કંગનાની બાયોપિક આવી રહી છે, તો હું આ ફિલ્મ જોવા માટે ખૂબ જ આતુર છું.’
કરીનાએ વધુમાં કહ્યું કે, ‘મને લાગે છે કે તે (કંગના) ખૂબ જ સારી અભિનેત્રી છે. હું તેને પ્રેમ કરુ છુ અને તેની ફેન પણ છું, કંગના એક શાનદાર અને બુદ્ધિમાન મહિલા છે.’
કરીનાને જ્યારે પૂછવામા આવ્યું કે શું તેમણે કંગનાની ફિલ્મ ‘મણિકર્ણિકા’ જોઇ છે, તો તેના જવાબમાં કરીનાએ કહ્યું કે, ‘મે એ ફિલ્મ જોઇ નથી, પરંતુ જલ્દી જ એ ફિલ્મ જોઇશ. સૈફે કંગનાને એ ફિલ્મ માટે અભિનંદના પાઠવી દીધા છે.’
ઉલ્લેખનીય છે કે, કંગનાએ એક ઇંટરવ્યુમાં કહ્યું હતું કે, તેની જિંદગી પર બનવા જઇ રહેલી બાયોપિક કોઇ પ્રોપાગેંડા નથી. તેમણે કહ્યું હતું કે તેની જિંદગીમાં આવેલા ઉતાર-ચઢાવે બાયોપિક બનાવવા માટે તેને આગળ કરી છે.
કંગનાના મત અનુસાર આ બાયોપિક ખૂબ જ નાજૂક અને હાર્ટ ટચ રહેશે અને આ ફિલ્મ એ આધારિત રહેશે કે એક સામાન્ય છોકરી કેવી રીતે બોલીવૂડની ક્વીન બને છે.
