પ્રભાસની આગામી ફિલ્મમાં કામ કરી રહી છે ભાગ્યશ્રી, જાણો કઈ છે ફિલ્મ?

ભાગ્યશ્રી એક દાયકા પછી મોટા પડદા પર ફરી આવવાની તૈયારીમાં છે. તેણે એક ઇન્ટરવ્યૂ દરમિયાન પોતાની આગામી ફિલ્મના પાત્ર વિશે વાત કરી હતી. આ ફિલ્મમાં તે પ્રભાસ સાથે જોવા મળશે.

મુંબઇ : 'મેંને પ્યાર કિયા' અભિનેત્રી ભાગ્યશ્રી એક દાયકા પછી ફિલ્મોમાં આવવા માટે તૈયાર છે. તેણે કહ્યું હતું કે, આ ફિલ્મમાં તેની ભૂમિકા એક 'સરપ્રાઇઝ પેકેઝ' છે.

ભાગ્યશ્રીની પાઇપલાઇનમાં ત્રણ ફિલ્મો છે - કિટ્ટી પાર્ટી, 2 સ્ટેટ્સની તેલુગુ રિમેક, જેમાં તે હિન્દી ફિલ્મમાં રેવતીએ ભજવેલી ભૂમિકા અને પ્રભાસની આગામી ફિલ્મ 'પ્રભાસ 20' માં મુખ્ય ભૂમિકા ભજવશે.

તેમણે કહ્યું કે, 'પ્રભાસ 20' એક સરપ્રાઇઝ પેકેઝ છે. આ અભિનેત્રીએ સુપરસ્ટાર સલમાન ખાન સાથે ફિલ્મની શરૂઆત કરી હતી. તેણે એક ઇન્ટરવ્યૂમાં કહ્યું હતું કે, લોકોને દરેક ફિલ્મમાં એક નવી ભાગ્યશ્રી જોવા મળશે. કારણ કે, મને અલગ- અલગ પાત્ર કરવામાં મજા આવે છે. અભિનેત્રીએ કહ્યું હતું કે, તેણે એક ફિલ્મ સાઇન કરી છે. જે હિન્દીમાં છે. તેણે કહ્યુ કે, જયાં સુધી નિર્માતા આ ફિલ્મની જાહેરાત ન કરે ત્યાં સુધી તે તેના વિશે વાત કરી શકે નહીં.