અભિનેતા ઈરફાન ખાન હોસ્પિટલમાં દાખલ, આંતરડામાં સોજા

ઇરફાન ખાનને આઈસીયુમાં દાખલ કર્યા પછી, તેમના પ્રવક્તાએ મીડિયાને જણાવ્યું હતું કે, આંતરડામાં સોજો હોવાને કારણે તેમને હોસ્પિટલમાં દાખલ કરવામાં આવ્યાં હતાં.

મુંબઈ: ઇરફાન ખાનને આઈસીયુમાં દાખલ કર્યા પછી, તેમના પ્રવક્તાએ મીડિયાને જણાવ્યું હતું કે, આંતરડામાં સોજાને કારણે તેમને હોસ્પિટલમાં દાખલ કરવામાં આવ્યા હતા.

53 વર્ષીય અભિનેતાને મુંબઈની કોકિલાબેન ધીરૂભાઇ અંબાણી હોસ્પિટલના આઈસીયુમાં દાખલ કરવામાં આવ્યા છે. ઇરફાનના પ્રવક્તા દ્વારા જાહેર કરવામાં આવેલા નિવેદનમાં કહેવામાં આવ્યું છે કે, "હા, એ વાત સાચી છે કે ઇરફાન ખાનને કોલોન ઇન્ફેક્શન (આંતરડામાં ચેપ) હોવાથી મુંબઇના કોકિલાબેનના આઈસીયુમાં દાખલ કરવામાં આવ્યા છે. અમે તમને અપડેટ આપતા રહીશું.

અભિનેતા હાલ ડોકટરોની સારવાર હેઠળ છે. તેમની હિંમતથી તેમને આ યુદ્ધ અત્યાર સુધી લડવામાં મદદ મળી છે. અમે આશા રાખીએ છીએ કે તેમની આત્મશક્તિ અને તેને પ્રેમ કરતા લોકોના આશીર્વાદથી તેઓ જલ્દીથી સ્વસ્થ થઈ જશે."

અભિનેતાની તબિયત ત્યારથી ખરાબ છે, જ્યારથી તેઓ ટ્યૂમરની સારવાર કરાવીને ભારત પરત આવ્યાં છે. લાંબા સમયથી તેઓ મેડિકલ ટીમની તપાસ હેઠળ છે.