મુંબઈ: સુપર સ્ટાર ઋતિક રોશને પોતાના કરિયરમાં ઘણા એક્શન સીન કર્યા છે, પરંતુ અભિનેતાને અત્યારસુધી સ્ક્રીન પર પોલીસ ઑફિસરનો રોલ ભજવવાની તક મળી નથી. પરંતુ હવે અભિનેતા ઈચ્છે છે કે, રાઇટર તેમના માટે પોલીસ ઑફિસરનું પાત્ર લખે.
મુંબઈ પોલીસના પ્રયાસોની પ્રસંસા કરીને ઋતિકે કહ્યું કે, મુંબઈ રહેવા માટેના શ્રેષ્ઠ શહેરોમાનું એક છે અને આનો શ્રેય મુંબઈ પોલીસને આપવામાં આવે છે. હું ગત વર્ષે ઉમંગ 2019માં ભાગ લઇ શક્યો નહોતો, પરંતુ આ વર્ષે મેં નક્કી કર્યું કે હું અહીંયા આવું. હું આપણા પોલીસ કર્મચારીઓ માટે સ્ટેજ પર પરર્ફોર્મ કરીને ખૂબ ખુશ છું. પોલીસ કર્મચારીઓ આપણા માટે દિવસ-રાત કામ કરે છે.