ન્યૂઝ ડેસ્ક: આજે હોળીના તહેવાર (Happy Holi) ને દેશભરમાં ધામધૂમથી ઉજવવામાં આવી રહ્યો છે. છેલ્લા બે વર્ષથી કોરોનાના લીધે રંગોથી ભરેલો હોળીનો તહેવાર ફિક્કો પડી ગયો હતોં, ત્યારે ફિલ્મ જગત હોળીની ઉજવણી માટે ફેમસ છે, તેથી સેલેબ્સ પણ બે વર્ષ સુધી ધીરજથી બેઠા હતા. હવે બોલિવૂડમાં હોળીની જોરદાર ધામધૂમ થશે. આ ખાસ અવસર પર બોલિવૂડ સ્ટાર્સ તેમના ફેન્સને હોળીની શુભેચ્છાઓ પાઠવી (Bollywood Stars Wish Her Fans On Holi Festival) રહ્યાં છે.
સદીના 'મેગાસ્ટાર' અમિતાભ બચ્ચન ફેન્સને શુભકામના આપવાનું ભૂલતા નથી, પછી તે દેશમાં કોઈપણ તહેવાર હોય. બિગ બીએ તેમના ફેન્સને રંગોના આનંદ અને ઉલ્લાસના તહેવાર હોળી પર શુભેચ્છાઓ આપી હતી અને ફેન્સને સ્વસ્થ જીવન અને સુખ અને સમૃદ્ધિની શુભેચ્છા પાઠવી હતી.
બોલિવૂડના 'ખિલાડી' અક્ષય કુમારે ફેન્સને હોળીની ખૂબ ખૂબ શુભેચ્છાઓ પાઠવી છે. અક્ષય કુમારની ફિલ્મ 'બચ્ચન પાંડે' આજે સિનેમાઘરોમાં રિલીઝ થઈ રહી છે. અક્ષયે 'બચ્ચન પાંડે'ની આખી ટીમ વતી ફેન્સને હોળીની શુભેચ્છા પાઠવી છે.