- પ્રથમ ગુજરાતી એક્ટર બિમલ ત્રિવેદીની (Bimal Trivedi) સાઉથમાં એન્ટ્રી
- પૂર્વ ક્રિકેટર શ્રીસંત (Sreesanth) સાથે કરશે અભિનય
- શ્રીસંત જોવા મળશે સીબીઆઈ ઓફિસરના રોલમાં
- પ્રથમ હરોળના નિર્દેશક અને સિનેમેટોગ્રાફર સાથે ફિલ્મ
અમદાવાદ : આ બોલીવૂડ ફિલ્મમાં શ્રીસંત (Sreesanth) સીબીઆઇ અધિકારીના રોલમાં જોવા મળશે, જેની વાર્તા અને નિર્દેશન આર.રાધાક્રિષ્ન કરવા જઇ રહ્યાં છે. મહત્વપૂર્ણ છે કે આર. રાધાક્રિષ્નને ફિલ્મ ક્ષેત્રે બહોળો અનુભવ ધરાવવાની સાથે-સાથે પ્રતિષ્ઠિત અને પ્રથમ હરોળના નિર્દેશકોમાં સ્થાન ધરાવે છે. ફિલ્મના સિનેમેટોગ્રાફર પ્રકાશ કુટ્ટી રહેશે.
અભિનેતા બિમલ ત્રિવેદી પૂર્વ ક્રિકેટર અને અભિનેતા શ્રીસંતની સાથે એક દમદાર ભૂમિકામાં જોવા મળશે.
Political thriller હશે આ ફિલ્મ
આ અંગે એક્ટર બિમલ ત્રિવેદીએ (Bimal Trivedi) જણાવ્યું હતું કે, પોટિલિકલ થ્રીલર (Political thriller) પટ્ટામાં કામ કરવા તેમજ પૂર્વ ક્રિકેટર અને અભિનેતા શ્રીસંત (Sreesanth) સાથે કામ કરવા અંગે તેઓ ખૂબ જ ઉત્સાહિત છે. છેલ્લાં એક વર્ષથી વધુ સમયથી કોવિડ-19 મહામારીને કારણે ભારતીય ફિલ્મ ઉદ્યોગને મોટો ફટકો પડ્યો છે ત્યારે તેમને વિશ્વાસ છે કે, આ ફિલ્મ દ્વારા તેઓ ફરી એકવાર દર્શકો સમક્ષ ઉપસ્થિત થઇને તેમને મનોરંજન પૂરું પાડી શકશે. કોઇપણ ફિલ્મમાં તેની વાર્તા હંમેશા કેન્દ્રસ્થાને હોય છે ત્યારે અમારી આગામી ફિલ્મ પટ્ટાની વાર્તા દર્શકોને ચોક્કસપણે જકડી રાખશે તેવી આશા છે.