ફિલ્મ નિર્દેશક ફરાહ ખાને શાહરૂખ ખાન સાથે કર્યો ડાન્સ પણ શાહરૂખ કેમ શરમાઈ ગયો? જુઓ

બોલિવુડ અભિનેતા શાહરૂખ ખાન ફિલ્મોની સાથે સાથે સોશિયલ મીડિયા પર પણ ઘણા જ એક્ટિવ રહે છે. અત્યારે સોશિયલ મીડિયા પર શાહરૂખ ખાનનો એક વીડિયો ખૂબ જ વાઈરલ થઈ રહ્યો છે. જોકે, આ વીડિયો શાહરૂખે નહીં, પરંતુ બોલિવુડ કોરિયોગ્રાફર અને નિર્દેશક ફરાહ ખાને શેર કર્યો છે. આ વીડિયોમાં બંને જણા 'મેં હુ ના' ગીત પર ડાન્સ કરી રહ્યા છે. જોકે, આ વીડિયો દરમિયાન ફરાહે એવું તે શું કર્યું, જેનાથી શાહરૂખ ખાન શરમાઈ ગયા

• બોલિવુડ ફિલ્મ નિર્દેશક ફરાહ ખાને ઈન્સ્ટાગ્રામ પર શેર કર્યો વીડિયો
• વીડિયોમાં અભિનેતા શાહરૂખ ખાન સાથે ડાન્સ કરતી જોવા મળ્યા ફરાહ
• શાહરૂખ અને ફરાહ ખાને 'મેં હું ના' ગીત પર કર્યો ડાન્સ

અમદાવાદઃબોલિવુડ અભિનેતા શાહરૂખ ખાન અત્યારે સોશિયલ મીડિયા પર ખૂબ જ ચર્ચામાં છે. જોકે, આ ચર્ચાનું કારણ બીજું છે. જી હાં, ફિલ્મ નિર્દેશક ફરાહ ખાને હાલમાં જ ઈન્સ્ટાગ્રામ પર એક વીડિયો શેર કર્યો છે, જેમાં તે શાહરૂખ ખાન સાથે 'મેં હુ ના' ગીત પર ડાન્સ કરી રહ્યા છે. જોકે, આ વીડિયો દરમિયાન શાહરૂખ ખાન શરમાઈ જાય છે. તેની પાછળનું કારણ એ છે કે, વીડિયોમાં ડાન્સ દરમિયાન ફરાહ ખાન શાહરૂખ ખાનને કિસ કરે છે. આ વીડિયો શેર કરીને ફરાહ ખાને કેપ્શનમાં લખ્યું હતું કે, આ મારું ખૂબ જ પ્રિય ગીત છે. આ માત્રને માત્ર શાહરૂખ માટે છે.

ફરાહ અને શાહરૂખે અનેક ફિલ્મોમાં સાથે કામ કર્યું છે

બોલિવુડ ફિલ્મ નિર્દેશક ફરાહ ખાન અવાર-નવાર નવા નવા વીડિયોના કારણે ચર્ચામાં રહે છે, ત્યારે શાહરૂખ સાથનો આ વીડિયો ઘણો જ વાઈરલ થઈ રહ્યો છે. આ સાથે જ શાહરૂખના ફેન્સને પણ આ વીડિયો પંસદ આવી રહ્યો છે. બોલિવુડ સેલિબ્રિટીઝ સહિત તેમના ફેન્સ પણ આ વીડિયો પર પોતાનો પ્રેમ વરસાવી રહ્યા છે. શાહરૂખ અને ફરાહની જોડી લોકોને પહેલાથી જ પસંદ છે. ફરાહે શેર કરેલા આ વીડિયોને અત્યાર સુધીમાં 1.40 લાખથી વધુ લાઈક્સ મળી ચૂક્યા છે. આપને જણાવી દઈએ કે, ફરાહ ખાન અને શાહરૂખ ખાને ફિલ્મ 'મે હું ના', ઓમ શાન્તિ ઓમ, હેપ્પી ન્યૂ યર જેવી ફિલ્મોમાં એક સાથે કામ કર્યું હતું.