બૉલિવૂડ ડિરેક્ટર કરણ જોહરની મુશ્કેલીમાં વધારો, વાઇરલ વીડિયો મુદ્દે NCB એ કરણને પાઠવ્યું સમન

એનસીબીએ બૉલિવૂડ ડિરેક્ટર કરણ જોહરને સમન પાઠવ્યું છે. એનસીબીનું કહેવું છે કે, કરણ જોહર કોઇ કેસમાં સંદિગ્ધ નથી. ડ્રગ્સ સાથે જોડાયેલા કેસમાં તેની પાસેથી અમુક માહિતી મેળવવા માગે છે. કરણ જોહરે પોતે NCB સામે પોતે રજૂ થવાની જરૂર નથી.

• વાઇરલ વીડિયો મુદ્દે NCB એ કરણને પાઠવ્યું સમન
• આ વીડિયો મુદ્દે અનેક પ્રશ્નો પર પૂછતાછ
• 2019 ની પાર્ટી સાથે જોડાયેલા તમામ રેકોર્ડ આપવા NCB એ જણાવ્યું

મુંબઇઃ નારકોટિક્સ કન્ટ્રોલ બ્યૂરોએ કરણ જોહરને સમન મોકલ્યું છે. બૉલિવૂડના ફેમસ કરણ જોહરને એનસીબી મુંબઇએ પૂછપરછ માટે બોલાવ્યા છે. એનસીબીનું કહેવું છે કે, કરણ જોહર કોઇ કેસમાં સંદિગ્ધ નથી. ડ્રગ્સ સાથે જોડાયેલા કેસમાં તેની પાસેથી અમુક માહિતી મેળવવા માગે છે.

વાઇરલ વીડિયો મુદ્દે NCB એ કરણને પાઠવ્યું સમન

NCB સૂત્રો પાસેથી મળતી માહિતી મુજબ કરણ જોહરને પોતે NCB સમક્ષ રજૂ થવાની જરૂર નથી. તે પોતાના કોઇપણ પ્રતિનિધિને મોકલી શકે છે. કરણ જોહરને એ ઇલેક્ટ્રોનિક ઉપકરણોનું વિવરણ આપવા કહ્યું છે કે, જેનો ઉપયોગ જુલાઇ 2019 માં તેના ઘરે આયોજીત થયેલી પાર્ટીને શૂટ કરવા માટે કરવામાં આવ્યો હતો.

2019 ની પાર્ટી સાથે જોડાયેલા તમામ રેકોર્ડ આપવા NCB એ જણાવ્યું

કરણ જોહરને સમન બુધવારે મોકલવામાં આવ્યું છે. તેમણે 2019 ની પાર્ટી સાથે જોડાયેલા તમામ રેકોર્ડ આપવા જણાવ્યું છે. જેમ કે, પાર્ટીમાં કોણ-કોણ સામેલ હતા. ક્યાં કેમેરાથી વીડિયો શૂટ કરવામાં આવ્યો છે. શું કોઇ નિમંત્રણ કાર્ડ મોકલવામાં આવ્યું હતું. આ તમામ માહિતી આજ (શુક્રવાર) સુધીમાં આપવા જણાવ્યું છે.

વધુમાં જણાવીએ તો બૉલિવૂડમાં ડ્રગ્સ કનેક્શન સામે આવ્યા બાદ કરણ જોહરની મુશ્કેલી વધવા લાગી છે. કરણ જોહરના ઘર પર આયોજિત એક પાર્ટીનો વીડિયો સોશિયલ મીડિયા પર વાઇરલ થયો હતો. આ વીડિયોને NCB એ સાચો ગણાવ્યો હતો.

આ વીડિયોમાં ક્યાં સ્ટાર્સ હતા સામેલ?

કરણ જોહરે આ વીડિયોને શૂટ કર્યો હતો અને આ વીડિયોમાં મલાઇકા અરોડા, રણબીર કપૂર, વિક્કી કૌશલ, વરૂણ ધવન, શકુન બત્રા, ઝોયા અખ્તર, અર્જુન કપૂર, અયાન મુખર્જી દીપિકા પાદુકોણ અને કાર્તિક આર્યન જેવા સ્ટાર્સ હતા.