drugs Case: અનન્યા પાંડે આજે ત્રીજી વખત NCB સમક્ષ પૂછપરછ માટે હાજર થશે

બોલિવૂડ એક્ટર ચંકી પાંડેની પુત્રી અનન્યા પાંડેને (Ananya Pandey)પૂછપરછ માટે આજે સવારે 11 વાગ્યે ફરીથી નાર્કોટિક્સ કંટ્રોલ બ્યુરો સમક્ષ હાજર થવા માટે કહેવાયું છે. તેની અગાઉ એનસીબીના ઝોનલ ડાયરેક્ટર સમીર વાનખેડે અને એક મહિલા અધિકારી દ્વારા પૂછપરછ કરવામાં આવી હતી.

• અનન્યા પાંડેને ક્રૂઝ ડ્રગ્સ કેસમાં ત્રીજા રાઉન્ડની પૂછપરછ
• ડ્રગ્સ સપ્લાય અને સેવન કરવાના આરોપોને નકારી કાઢ્યા
• અનન્યાએ ચેટ વાતચીતમાં સપ્લાય સંબંધિત વાતોનો ઇનકાર કર્યો

મુંબઈ (મહારાષ્ટ્ર): નાર્કોટિક્સ કંટ્રોલ બ્યુરો (NCB) એ બોલિવૂડ અભિનેત્રી અનન્યા પાંડેને ક્રૂઝ ડ્રગ્સ કેસમાં(Cruise Drugs Case) ત્રીજા રાઉન્ડની પૂછપરછ માટે ફરીથી બોલાવામાં આવી છે. તેની ગુરુવાર અને શુક્રવારે NCB ના ઝોનલ ડિરેક્ટર સમીર વાનખેડે( Samir Wankhede)સાથે મહિલા અધિકારી સાથે પૂછપરછ કરી હતી.

અનન્યા પાંડેને સોમવારે સવારે ફરી પૂછપરછ

ANI સાથે વાત કરતા NCB ના નાયબ મહાનિર્દેશક (DDG) અશોક મુથા જૈને કહ્યું, " અનન્યા પાંડેને સોમવારે સવારે ફરી પૂછપરછ માટે બોલાવવામાં આવી છે. આગળની કાર્યવાહી થશે."

ડ્રગ્સ સપ્લાય અને સેવન કરવાના આરોપોને નકારી કાઢ્યા

જ્યારે અધિકારીને પૂછવામાં આવ્યું કે શું આર્યન ખાન દ્વારા મોકલવામાં આવેલા ડ્રગ પેડલર્સની સંખ્યા અંગે કોઈ માહિતી આપી હતી, ત્યારે તેણે કહ્યું હતું કે, મારી પાસે અત્યારે આવી કોઈ માહિતી નથી. ગુરુવારે થયેલી પૂછપરછ દરમિયાન, ડ્રગ્સ સપ્લાય અને સેવન કરવાના આરોપોને નકારી કાઢ્યા હતા.એનસીબીના જણાવ્યા અનુસાર, અનન્યાએ કેસમાં આરોપી આર્યનને ડ્રગ્સ સપ્લાય કરવાના આરોપને પણ નકારી કાઢ્યો હતો અને કહ્યું હતું કે તેણે ક્યારેય ડ્રગ્સનું સેવન કર્યું નથી.

ત્રણ વખત ડ્રગ્સ સપ્લાય કરવામાં મદદ કરી

એનસીબીએ એએનઆઈને જણાવ્યું હતું કે, "આર્યન ખાનના મોબાઈલ ફોનમાંથી મળેલી ચેટ્સ દર્શાવે છે કે વર્ષ 2018-19માં આર્યનને ડ્રગ ડીલર્સના નંબર પૂરા પાડીને ત્રણ વખત ડ્રગ્સ સપ્લાય કરવામાં મદદ કરી હતી."

એનસીબીના અધિકારીઓએ તેનો મોબાઈલ ફોન અને લેપટોપ પણ જપ્ત કર્યું

"અનન્યાએ ચેટ વાતચીતમાં સપ્લાય સંબંધિત વાતોનો ઇનકાર કર્યો અને NCB અધિકારીઓને કહ્યું કે તેણે ક્યારેય ડ્રગ્સનું સેવન કર્યું નથી કે સપ્લાય કર્યું નથી,"અનન્યાનું નામ તેના અને આર્યન ખાન વચ્ચેના કેટલાક મોબાઈલ ફોનમાં કથિત રીતે વોટ્સએપ ચેટ મળ્યા બાદ આ કેસમાં સામે આવ્યું હતું, સૂત્રોએ જણાવ્યું હતું કે, એનસીબીના અધિકારીઓએ તેનો મોબાઈલ ફોન અને લેપટોપ પણ જપ્ત કર્યું છે.

NCB અધિકારીઓએ આ કેસમાં તેની ભૂમિકા કરી નથી

જો કે, એનસીબીના અધિકારીઓએ હજુ સુધી આ કેસમાં તેની ભૂમિકા, જો કોઈ હોય તો સ્પષ્ટ કરી નથી. ગુરુવારે, NCB અધિકારીઓની એક ટીમ શાહરૂખ ખાન આર્થર જેલમાં તેમના પુત્ર આર્યન ખાનને મળવા જઈ રહ્યો હતો ત્યારે દસ્તાવેજો એકત્રિત કરવા માટે મુંબઈમાં તેના નિવાસસ્થાન મન્નતની મુલાકાત લીધી હતી.

ક્રૂઝ શિપ પર કથિત ડ્રગ્સ પાર્ટી

આર્યન ખાનની બે વખત જામીન અરજી ફગાવી દીધા બાદ, બોમ્બે હાઈકોર્ટે નવી જામીન અરજીની સુનાવણી માટે 26 ઓક્ટોબર નક્કી કરી છે.NCBની એક ટીમે 2 ઓક્ટોબરે સમુદ્રમાં ગોવા જઈ રહેલા ક્રૂઝ શિપ પર કથિત ડ્રગ્સ પાર્ટીનો પર્દાફાશ કર્યો હતો. આ કેસમાં અત્યાર સુધીમાં આર્યન સહિત કુલ 20 લોકોની ધરપકડ કરવામાં આવી છે.

આ પણ વાંચોઃઅક્ષય કુમારે OMG 2ની નવી પોસ્ટ શેર કરી

આ પણ વાંચોઃશર્લિન ચોપરાએ કેમ કહ્યું કે રાજ કુન્દ્રા સામે અવાજ ઉઠાવવાની હિંમત નહોતી, હવે હિંમત આવી ગઈ છે?