"બંટી ઓર બબલી 2"માં "ગલી બોય" સ્ટારર સિદ્ધાંત ચતુર્વેદી સાથે જોવા મળશે ન્યૂકમર શરવરી

મુંબઇ : અભિષેક બચ્ચન અને રાની મુખર્જીની હિટ ફિલ્મ "બંટી બબલી"ની સીક્વલ બનવા જઇ રહી છે. "બંટી બબલી 2"માં "ગલી બોય"ના અભિનેતા સિદ્ધાંત ચતુર્વેદી જોવા મળશે. ત્યારે આ મૂવીમાં ન્યૂકમર શરવરી પણ બોલિવૂડમાં એન્ટ્રી કરશે. યશરાજ ફિલ્મ દ્વારા સોશિયલ મીડિયા પર આ ફિલ્મની જાહેરાત કરવામાં આવી છે.

આ ફિલ્મને વરૂણ શર્મા નિર્દેશક કરી રહ્યા છે.જે "સુલ્તાન" અને "ટાઇગર જિંદા હૈ" જેવી ફિલ્મોના આસિસ્ટેન્ટ ડાયરેક્ટર રહી ચુક્યા છે. ત્યારે આદિત્ય ચોપરા આ ફિલ્મને પ્રોડ્યૂસ કરી રહ્યા છે.

"યશરાજ ફિલ્મ્સ"ની "બંટી ઔર બબલી" ફિલ્મની સિક્વલ "બંટી ઔર બબલી 2"ની સ્ટારકાસ્ટ ફાઇનલ થઇ ગઈ છે. શરવરીની આ ડેબ્યુ ફિલ્મ છે જ્યારે સિદ્ધાંત ચતુર્વેદીની આ ‘ગલી બોય’ બાદની બીજી ફિલ્મ છે. ફિલ્મનું શૂટિંગ પણ શરૂ કરી દેવામાં આવ્યું છે.