બૉલીવુડના દિગ્ગજ કલાકારો જેવા કે, આશા ભોંસલે, રજનીકાંત, સોનૂ સૂદ, વરૂણ ધવન, સલમાન ખાન અને રીતેશ દેશમુખે વડાપ્રધાન મોદીને ટ્ટીટ કરી તેમની શાનદાર જીત બદલ અભિનંદન પાઠવ્યા છે.
સલમાન ખાને PM મોદીને ટ્ટીટ કરતા કહ્યુ કે, વડાપ્રધાન મોદીને દેશની જનતાની નિર્ણાયક જીત પર ખૂબ-ખૂબ અભિનંદન. અમે એક મજબુત ભારત માટે તમારી સાથે ઊભા છીએ.
શિલ્પા શેટ્ટી કુંદ્રાએ પણ PM મોદીને પોતાના અલગ અંદાજમાં ટ્ટીટર પર અભિનંદન પાઠવ્યા છે. તેણીએ ટ્ટીટ કરી કહ્યુ છે કે, 'દેખા યોગા સે હી હોગા'. આને કહે છે ભૂમિ ભંજન ઈલેક્શન પ્રદર્શન. ખૂબ ખૂબ અભિનંદન નરેન્દ્ર મોદીજી, તમને મારા સાષ્ટાંગ દંડવત પ્રણામ.
આશા ભોંસલેએ કહ્યુ કે, ભારતના મતદાતાઓએ ખૂબ જ સમજદારી દાખવી મતદાન કર્યુ છે. માનનીય વડાપ્રધાન મોદીને રાજગ અને ભાજપ પાર્ટીના બધા કાર્યકર્તાઓને અભિનંદન. જેમણે અમારા દેશને લાંબા સમય સુધી અપેક્ષિત સ્વર્ણ યુગમાં લઈ જવા માટે ખૂબ જ મહેનત કરી છે 'જય હિન્દ'.
પરેશ રાવલે ટ્ટીટ કરી છે કે, જેવું પહેલા કહ્યુ હતુ તે ફરીથી કહીશ- સરદાર પટેલને ભારતને એકજુટ કર્યા અને નરેન્દ્ર મોદીએ તેનું વિભાજન કર્યુ નહી. આરામ કરો ભારતના લોકો, આપણે સુરક્ષિત હાથોમાં છીએ.
રજનીકાંતે કહ્યુ કે, આદરણીય પ્રિય નરેન્દ્ર મોદીજી તમને જીત બદલ હાર્દિક અભિનંદન, તમે જે કહ્યુ તે કરી બતાવ્યું ભગવાન તમારું ભલું કરો.
ધર્મેન્દ્ર દેઓલે ટ્ટીટ કરી કહ્યુ કે, સારા દિવસો ખરેખર આવશે.
અજય દેવગણે કહ્યુ કે, દેશ જાણે છે કે, તેમના માટે શું સારુ છે અને જનતાએ પોતાની પસંદગી જાહેર કરી દીધી છે.
વિવેક ઓબરોયે ટ્ટીટ કરી કહ્યુ કે, નરેન્દ્ર મોદીજીને ઐતહાસિક જીત અપાવવા બદલ નવા ભારતના અભિનંદન! આજે લોકતંત્રની જીત થઈ છે, પ્રગતિશીલ અને એકજુટ ભારતની જીત થઈ છે. અમને ભારતના રીયલ હીરેને વડાપ્રધાન પદ જોવા પર ગર્વ થઈ રહ્યો છે. 'એક ભારત, શ્રેષ્ઠ ભારત' બનાવવાના મિશનમાં અમે તમારી સાથે છીએ.