મુંબઈ: અમિતાભ બચ્ચન, રવિના ટંડન, મનોજ બાજપેયી અને નિમરત કૌર જેવી અનેક હસ્તીઓએ રવિવારના રોજ ગુરુ પૂર્ણિમા નિમિત્તે તેમના શિક્ષકો અને ગુરુઓ પ્રત્યે આભાર વ્યક્ત કર્યો હતો. આ પ્રસંગે બોલીવૂડ હસ્તીઓએ સોશિયલ મીડિયા પર પોસ્ટ શેર કરી હતી.
અમિતાભ બચ્ચન: ગુરુ પૂર્ણિમા પર શુભેચ્છાઓ આપણા વડીલો અને ગુરુઓના આશીર્વાદ આપણી સાથે છે. મેગાસ્ટારે તેના પિતા સ્વર્ગીય કવિ હરિવંશ રાય બચ્ચનનો એક ફોટો પણ ઇન્સ્ટાગ્રામ પર શેર કર્યો હતો.
સુભાષ ઘાઈ: ગુરુ પૂર્ણિમા. ગુરુ શબ્દ સંસ્કૃતના બે શબ્દો 'અગુ' + 'રુ' પરથી આવ્યો છે. 'ગુ' નો અર્થ અજ્ઞાન અથવા અંધકાર અને 'રૂ' નો અર્થ છે કે, અંધકારને દૂર કરવુ. ગુરુ આપણને યોગ્ય વસ્તુઓ શીખવીને અને સાચો રસ્તો બતાવીને આપણા જીવનમાંથી અંધકારને દૂર કરે છે.
નિમરત કૌર: હું તે બધા લોકોની આભારી છું, જે હંમેશા મને પ્રેરણા આપે છે, મને શિખવાડે છે અને ઉદાહરણ દ્વારા આશીર્વાદ આપે છે.
આ સ્ટાર્સ ઉપરાંત રણદીપ હૂડા, શિલ્પા શેટ્ટી, પાપોન અને રવિના ટંડન પણ ગુરુ પૂર્ણિમાની શુભેચ્છા પાઠવી હતી.