Bollywood Actress Neena Guptaએ ઓટોબાયોગ્રાફીમાં કર્યો ખુલાસો, આ કલાકારે નીના ગુપ્તાને આપી હતી લગ્નની ઓફર...

બોલીવુડ અભિનેત્રી નીના ગુપ્તા (Bollywood Actress Neena Gupta) આજકાલ ખૂબ જ ચર્ચામાં છે. જો કે, આ વખતે અભિનેત્રી પોતાની ઓટોબાયોગ્રાફી 'સચ કહૂં તો'(Sach kahun toh)ને લઈને ચર્ચામાં છે. આ ઓટોબાયોગ્રાફીમાં અભિનેત્રીએ પોતાની પર્સનલ અને પ્રોફેશનલ બંને લાઈફ પર અનેક ખુલાસા કર્યા છે.

• અભિનેત્રી નીના ગુપ્તા ઓટોબાયોગ્રાફીથી આવી ચર્ચામાં
• નીનાએ ઓટોબાયોગ્રાફી 'સચ કહૂં તો'ને લઈને ચર્ચામાં
• અભિનેત્રીએ પર્સનલ અને પ્રોફેશનલ લાઈફ અંગે કર્યા ખુલાસા

ન્યૂઝડેસ્ક(Bollywood News):બૉલિવૂડમાં ઘણાં કલાકારો પોતાની આત્મકથા લખતા હોય છે ત્યારે હવે આ યાદીમાં અભિનેત્રી નીના ગુપ્તાનું પણ નામ ઉમેરાયું છે. નીના ગુપ્તાએ હાલમાં પોતાની ઓટોબાયોગ્રાફી 'સચ કહૂં તો'ને લઈને ચર્ચામાં છે. જોકે, તેની આ ઓટોબાયોગ્રાફીને લઈને અભિનેત્રી કરીના કપૂર સાથે એક લાઈવ સેશન યોજ્યું હતું, જેમાં નીના ગુપ્તાએ જણાવ્યું હતું કે, તેઓ આ બૂક 20 વર્ષથી લખી રહ્યાં છે. આ પુસ્તકમાં અનેક ખુલાસા કર્યા છે. આ સાથે જ નીના ગુપ્તાએ ઓટોબાયોગ્રાફીમાં અભિનેતા અને ફિલ્મ નિર્માતા સતીષ કૌશિક(Satish kaushik)ને લઈને પણ મોટો ખુલાસો કર્યો છે, જેને સાંભળીને તમામ લોકો હેરાન થઈ ગયા છે.

આ પણ વાંચો: ખરાબ અનુભવ બાદ નીના ગુપ્તાએ પરિણીત પુરુષોને લઈને આપ્યું મોટું નિવેદન...

સતીષ કૌશિકે નીના ગુપ્તાને આપી હતી લગ્નની ઓફર

વર્ષ 1980માં નીના ગુપ્તા વેસ્ટ ઈન્ડિઝના પૂર્વ ક્રિકેટર વિવિયન રિચર્ડ્સની સાથે રિલેશનશિપમાં હતી, તે દરમિયાન તે ગર્ભવતી પણ થઈ હતી. પરંતુ તેણે પોતાની દિકરી મસાબા(Masaba)નું પાલનપોષણ જાતે કર્યું હતું. નીના ગુપ્તાએ ઓટોબાયોગ્રાફીમાં લખ્યું છે કે, મસાબાના જન્મ પહેલા જ સતીષ કૌશિકે તેમને લગ્ન માટે પ્રપોઝ કર્યું હતું. નીનાએ તો ત્યાં સુધી કહ્યું હતું કે, સતીષે કહ્યું હતું કે, જો બાળક ડાર્ક રંગનું થયું તો તે એમ કહી શકશે કે આ બાળક સતીષનું છે. જોકે, ત્યારબાદ નીનાએ સતીષની ઓફર ઠુકરાવી દીધી હતી.