મુંબઇ: ભાજપ ઉપાધ્યક્ષ બૈજયંત જય પાંડાએ તાજેતરમાં જ બોલીવુડ સેલેબ્સ પર ખૂબ ગંભીર આક્ષેપો કર્યો છે. તેમનું કહેવું છે કે, કેટલાક બોલીવુડ સેલેબ્સના પાકિસ્તાનના આઈએસઆઈ સાથે સંબંધ ધરાવે છે.
આટલું જ નહીં, આ સેલેબ્સ પર કાર્યવાહી પણ ચાલી રહી છે. એક ન્યૂઝ ચેનલ સાથે વાત કરતી વખતે, બૈજયંતે આ વાત કહી અને તેમની વાતને સમર્થન આપતાં એક ટ્વિટ પણ કર્યું.
બૈજયંતે ટ્વિટ કર્યું છે, 'કેટલાક અત્યંત ચોંકાવનારી વાતો સામે આવી છે,' એમ કહ્યું. જેમાં કેટલાક બોલીવુડના લોકો પાકિસ્તાન અને એનઆરઇ લોકો સાથે અંગત અને ધંધા માટે સંબંધ ધરાવે છે, તે નકારી ન શકાય કે તેઓ જમ્મુ-કાશ્મીરમાં હિંસા વધારે છે, પાકિસ્તાની સૈન્ય અને આઈએસઆઈ સાથેના સંબંધ હોવાના પુરાવા છે."
તે જ સમયે એક ખાનગી ન્યૂઝ ચેનલ સાથે વાત કરતી વખતે બૈજયંતે કહ્યું કે, આના ઘણા પુરાવા મળ્યા છે, જેમાં કેટલાક ફોટોગ્રાફ્સનો સમાવેશ છે.
તેમણે કહ્યું, 'આમાંથી કેટલાક એનઆરઆઈ અને પાકિસ્તાનીઓ પશ્ચિમી દેશોમાં રહે છે. આમાં આ લોકો સામે બે પ્રકારના પુરાવા મળી આવ્યા છે. એક તે છે કે, તેઓ સોશિયલ મીડિયા પર લોકોને હિંસા માટે ઉશ્કેરે છે. બીજું, પાકિસ્તાની કેમ્પમાં દેખાય છે. આ લોકો બોલીવુડના લોકો સાથે પાર્ટી કરતા જોવા મળે છે.
