મુંબઇઃ બહુમુખી પ્રતિભાના ધની કિશોર કુમાર ન માત્ર એક શાનદાર ગાયક હતા, પરંતુ સંગીતકાર, લેખક, નિર્માતા અને નિર્દેશક હતા. તેમનો જન્મ 4 ઓગસ્ટ, 1929ના મધ્ય પ્રદેશના ખંડવા જિલ્લામાં થયો હતો. કિશોર કુમારનું સાચું નામ આભાસ કુમાર ગાંગુલી હતું. 13 ઓક્ટોબર, 1987ના દિવસે તેમણે મુંબઇમાં અંતિમ શ્વાસ લીધા હતા. પોતાની મીઠી અવાજમાં ગવાયેલા ગીતો દ્વારા કિશોર કુમાર આજે પણ આપણી આસપાસ રહેલા છે. આજના સમયમાં પણ લોકો તેમના ગીતોના દિવાના છે. તેમની બર્થ એનિવર્સરીના અવસરે એક નજર કરીએ તેમના સદાબહાર ગીતો પર...
'ઓ મેરે દિલ કે ચેન', ફિલ્મ 'મેરે જીવન સાથી'નું આ ગીત બેચેન મનને શાંત કરવામાં કારગર સાબિત થાય છે. કિશોર દાના અવાજથી સજેલું આ ગીત રાજેશ ખન્ના અને તનુજા પર ફિલ્માવવામાં આવ્યું છે. આ ગીતને મજરુહ સુલ્તાનપુરીએ લખ્યું છે અને રાહુલ દેવ બર્મન સાહેબે તેને મ્યુઝિક આપ્યું છે.
'મિસ્ટર એક્સ ઇન બૉમ્બે' ફિલ્મનું ગીત 'મેરે મહબુબ કયામત હોગી' ખૂબ જ ફેમસ અને બધાનું પ્રિય છે. કિશોર દાના અવાજથી સજેલું આ ગીતમાં પોતે કિશોર દા પોતાના મહબૂબને ફરિયાદ કરી અને પોતાની સ્થિતિને રજૂ કરી હતી. આનંદ બખ્શીના શબ્દોથી સજેલા આ ગીતમાં મ્યૂઝિક લક્ષ્મીકાંત-પ્યારેલાલની જોડીએ આપ્યું હતું.
સદાબહાર રોમેન્ટિક ગીતોના લિસ્ટમાં એક ગીત આવે છે ફિલ્મ 'સાગર'નું 'ચહેરા હૈ યા ચાંદ ખિલા હૈ'. આ ગીતમાં કિશોર દાનો શાનદાર અવાજ આપણને મદહોશ કરે છે. આજે પણ પોતાના મહબૂબની પ્રશંસામાં આ ગીત લોકો ગુનગુનાવતા હોય છે. આર ડી બર્મનના સંગીતથી સજેલું આ ગીત પણ બધાનું પ્રિય છે.
વર્ષ 1968માં આવેલી ફિલ્મ 'પડોસન'નું ગીત 'મેરે સામને વાલી ખિડકી'ને કોઇ કઇ રીતે ભુલી શકે. આ ગીતમાં પોતાનો અવાજ આપવાની સાથે સાથે કિશોર દાએ તેમાં અભિનય કરતા જોવા મળે છે. તેમનો મસ્તમૌલા અંદાજ આ ગીતમાં જોવા મળે છે.