મુંબઇઃ દેશમાં લૉકડાઉનને લીધે બૉલિવૂડ સેલેબ્સ ઘરમાં પોતાના પરિવારની સાથે સમય પસાર કરી રહ્યા છે. બૉલિવૂડના શહેંશાહ અમિતાભ બચ્ચન સોશિયલ મીડિયા દ્વારા કોવિડ-19 વિશે સતત લોકોને જાગૃત કરી રહ્યા છે. આ સાથે જ તેમણે પોતાનો જૂનો ફોટો શેર કર્યો હતો. આ વખતે અમિતાભ બચ્ચને પોતાના પહેલા ફોટોશૂટનો ફોટો શેર કર્યો છે.
અમિતાભ બચ્ચનને શેર કર્યો પહેલા ફોટોશૂટનો ફોટો, ફેન્સે કહ્યું- શાનદાર - મેગેઝિન કવર
કોરોના વાઇરસના કહેર વચ્ચે તમામ લોકો ઘરમાં છે, ત્યારે બૉલિવૂડ સેલેબ્સ દરરોજ પોતાના ફેન્સને મનોરંજન પુરૂં પાડવા માટે અવનવી પોસ્ટ શેર કરતા હોય છે. એવામાં બિગ બીએ તેના પહેલા ફોટોશૂટનો ફોટો શેર કર્યો હતો. જેને ફેન્સ ખૂબ પસંદ કરી રહ્યા છે.
Big B shares throwback picture from first magazine cover
અમિતાભ બચ્ચને ફોટો શેર કરતા લખ્યું કે, 1969માં ફિલ્મ ઇન્ડસ્ટ્રી જોઇન કર્યા બાદ ફિલ્મ મેગેઝિન માટેનું પહેલું ફોટોશૂટ. આ ફોટોશૂટ મેગેઝિન સ્ટાર એન્ડ સ્ટાઇલ માટે કરવામાં આવ્યું હતું જે તે સમયે ફિલ્મફેરની સાથે ખૂબ જ સારી મેગેઝિન હતી. સ્વાભાવિક છે કે, તે સમયે હું ન તો સ્ટાર હતો, ન તો મારામાં સ્ટાઇલ હતી.
અમિતાભ બચ્ચનની આ પોસ્ટને તેના ફેન્સ અને બૉલિવૂડ સેલેબ્સ બંને જ ખૂબ પસંદ કરી રહ્યા છે. એક યૂઝરે કહ્યું કે, શાનદાર, મેં હમણા જ તમારી ફિલ્મ સિલસિલા જોઇ છે. બૈસાખીના તહેવાર પર અમિતાભ બચ્ચને એક તેરી રબને બનાદી જોડીના ગીતનો ફોટો શેર કરતા શુભેચ્છા પાઠવી હતી અને લખ્યું કે, બૈસાખીના અવસર પર અનેક શુભેચ્છા.