મુંબઈ: બોલીવુડ અભિનેત્રી ભૂમિ પેડનેકરે શનિવારે તેમના 31 માં જન્મદિવસ પર કહ્યું હતું કે તે આ ખાસ પ્રસંગે પ્રાર્થના કરવા માંગે છે, જે કોરોના વાઇરસ સાથે સંબંધિત છે.
ભૂમિએ કહ્યું, "મારા જન્મદિવસ પર આ વર્ષે એકમાત્ર પ્રાર્થના એ છે કે જે લોકો વાઇરસથી પ્રભાવિત છે અને આ સમયે મુશ્કેલ પરિસ્થિતિઓને લીધે અસુરક્ષિત એવા બધા લોકોને રાહત મળે , ખુશી મળે અને આપણને શક્ય તેટલી વહેલી તકે કોવિડ 19 માટે કોઈ ઉપાય અથવા રસી મળે.
વળી, ભૂમિએ તેના જન્મદિવસની યોજના વિશે કહ્યું, "આ ખાસ હશે, કારણ કે હું કોઈને મળવાની નથી અને મારા પરિવાર સાથે ઘરે રહીશ. જો કે કોઈ ખાસ યોજના નથી."
તેણે ઉમેર્યું, "ખરેખર, હું જન્મદિવસને ધૂમધામથી ઉજવું છું. હું ઘણાં લોકો, મારા પ્રિયજનોને શામેલ કરું છું. હું ખૂબ જ લાડ-પ્યાર મળે છે, પણ મને લાગે છે કે આ વર્ષે હું ફક્ત મારી માતા અને મારી બહેન સાથે રહીશ.
આ સાથે ભૂમિએ તેના જન્મદિવસની કેક કાપતી વખતે તેના સોશિયલ મીડિયા હેન્ડલ પર એક ફોટો પણ પોસ્ટ કર્યો હતો અને તેની સાથે એક નોટ પણ લખી હતી.
