ભૂમિ પેડનેકરે જણાવ્યુ હતું કે, "પ્રેક્ષકો તરફથી 'બાલા'ને મળેલા પ્રતિસાદથી હું ખૂબ જ ખુશ છું. આ એક મહત્વપૂર્ણ સંદેશો આપતી ફિલ્મ છે. લોકો તેને ખૂબ પ્રેમ આપી રહ્યા છે તે જોઇને મને આનંદ થયો." આ પહેલા તેની ફિલ્મ 'ટોઇલેટ: એક પ્રેમ કથા', જેમાં તેણે અક્ષય કુમાર સાથે અભિનય કર્યો હતો તે પણ 100 કરોડની ક્લબમાં પ્રવેશી હતી.
'બાલા' 100 કરોડની ક્લબમાં પ્રવેશતા ભૂમિ પેડનેકરે વ્યક્ત કરી ખુશી
મુંબઈ: બોલિવૂડ અભિનેત્રી ભૂમિ પેડનેકર, જેણે અત્યાર સુધી છ ફિલ્મોમાં અભિનય કર્યો છે. જેમાંથી તેમની છેલ્લી ફિલ્મ 'બાલા' છે, જે 100 કરોડ રૂપિયાની ક્લબમાં પ્રવેશી છે. આ અંગે ખુશી વ્યક્ત કરતાં ભૂમિએ જણાવ્યુ હતું કે, આવી ફિલ્મો સામાજિક એકતાને પ્રભાવિત કરવામાં ફાળો આપે છે.
વધુ એક ફિલ્મ 100 કરોડ ક્લબમાં પ્રવેશતા અદ્ભૂત લાગણી અનુભવી રહી છું : ભૂમિ પેડનેકર
ભૂમિએ કહ્યું, 'આવી ફિલ્મો સામાજિક ચેતનાને અસર કરે છે અને સમાજમાં સકારાત્મક પરિવર્તન લાવવાની શક્તિ ધરાવે છે. આ ફિલ્મનો હિસ્સો હોવાથી હું અદ્ભૂત લાગણી અનુભવી રહી છું અને આભારી છું કે લોકો આવી ફિલ્મોને પસંદ કરતા થયા છે.'
'બાલા' એ આયુષ્માન ખુરાના સાથે ભૂમિની ત્રીજી ફિલ્મ છે. આ પહેલા તેમણે 'દમ લગા કે હઇશા' અને 'શુભ મંગલ સાવધાન' માં સાથે કામ કર્યું હતું. અભિનેત્રીએ ફક્ત તેની 'બાલા'ની સહકલાકાર યામી ગૌતમનો જ નહીં, પરંતુ દિગ્દર્શક અમર કૌશિક, નિર્માતા દિનેશ વિજન અને ફિલ્મને સફળ બનાવવા માટે અથાક મહેનત કરતા સમગ્ર કાસ્ટ અને ક્રૂનો પણ આભાર માન્યો હતો.